دنیا سچے اور کھرے لیڈرز کی عزت کرتی ہے، سینیٹر فیصل جاوید خان

عروبہ خان

10th May, 2021. 12:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا سچے اور کھرے لیڈرز کی عزت کرتی ہے، سینیٹر فیصل جاوید خان

سینیٹر فیصل جاوید خان نے کہا ہے کہ دنیا سچےاور کھرے لیڈرز کی عزت کرتی ہے اور عمران خان نے ہمیشہ پاکستان کا نام روشن کیا ہے، وہ پاکستان کی پہچان ہیں۔

اپنے ایک بیان میں بلاول بھٹو کے بیان پر ردعمل دیتے ہوئے سینیٹر فیصل جاوید خان نے کہا ہے کہ وزیراعظم عمران خان کا سعودی عرب کا دورہ اس بات کی ایک بار پھر عکاسی کرتا ہے کہ عمران خان کی وجہ سے پاکستان کی کتنی عزت افزائی ہے۔

فیصل جاوید نے کہا ہے کہ ملک کو تاریخی قرضوں اور اندھیروں میں لے جانے والے آج کس منہ سے بات کرتے ہیں جبکہ بلاول اور انکی پارٹی کی پہچان منی لانڈرنگ کرپشن دھوکہ دہی اور جھوٹ ہے۔

انہوں نے کہا ہے کہ آج عمران خان پاکستان کو علامہ اقبال کے خودی کے نظریہ پر لے کر جا رہے ہیں اور پاکستان کی دنیا بھر میں عزت نفس بڑھا رہے ہیں جبکہ نون لیگ اور پیپلز پارٹی والوں نے سوائے اپنی جیبیں بھرنے کے کچھ بھی نہیں کیا اور پوری دنیا میں ملک کی بدنامی کا باعث بنے ہیں۔