دریائے سندھ میں پانی کی کمی کے باعث پانی کا شدید بحران ہوگیا ہے جس کے لئے ارسا کی جانب سے ملک بھر کی بیراج انتظامیہ کو الرٹ جاری کردیا گیا ہے۔
دریائے سندھ میں پانی کی کمی میں روز بروز اضافہ ہورہا ہے جس کے اثرات بیراجوں پر نمایاں نظر آرہے ہیں۔
ارسا کے مطابق تربیلہ ڈیم میں پانی کی سطح 1400 فٹ ہے جو کہ اگلے 24 سے 48 گھنٹوں میں ڈیڈ لیول پر چلی جائے گی جبکہ گڈو بیراج میں 39 ، سکھر بیراج میں 34 اور کوٹری بیراج میں 50 فیصد پانی کی کمی ہوگئی ہے۔
پانی کی کمی کی باعث سندھ اور بلوچستان میں چاولوں کی کاشت بھی بری طرح متاثر ہوئی ہے جس کے لئے سکھر بیراج انتظامیہ نے کاشتکاروں کو یکم جون تک چاول کی فصل کاشت نہ کرنے کی ہدایت کی ہے۔
دوسری جانب پانی کے مسئلے پر پنجاب اور سندھ کے درمیان بیان بازی کا سلسلہ بھی جاری ہے اور حالیہ دنوں میں دونوں صوبوں کے وزرائے اعلیٰ ایک دوسرے پر تنقید کرچکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
