کشمیرو فلسطین کا مسئلہ حل کئے بغیر دنیا میں امن ممکن نہیں ہے، علامہ طاہر اشرفی

عروبہ خان

18th May, 2021. 01:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیرو فلسطین کا مسئلہ حل کئے بغیر دنیا میں امن ممکن نہیں ہے، علامہ طاہر اشرفی

وزیراعظم کے معاون خصوصی برائے مذہبی ہم آہنگی علامہ طاہر اشرفی نے کہا ہے کہ فلسطین اور کشمیر کا مسئلہ امت مسلمہ سمیت پوری انسانیت کا مسئلہ بن گیا ہے اور اس مسئلے کو حل کئے بغیر دنیا میں امن ممکن نہیں ہے۔

تفصیلات کے مطابق پریس کانفرنس کرتےہوئے علامہ طاہر اشرفی نے کہا ہے کہ فلسطین کا مسئلہ امت مسلمہ کا نہیں ہے بلکہ اب یہ انسانیت کا مسئلہ ہے اور ان حالات میں کسی کو بھی امت کو تقسیم کرنے کی کوئی کوشش نہیں کرنی چاہیئے۔

انہوں نےکہا ہے کہ اس وقت شرپسند اور شرارتی عناصر پر نظر رکھنے اور امت مسلمہ کو اکٹھا کرنے کی ضرورت ہے کیونکہ کوئی ایک ملک وہ کردار ادا نہیں کر سکتا جتنا سب ملک مل کر ادا کر سکتے ییں۔

ان کا کہنا تھا کہ عالم اسلام میں پاکستانی حکومت نے سب سے بہتر کردار ادا کیا ہے اور دورہ سعودی عرب میں بھی مسئلہ فلسطین کو اجاگر کیا ہے۔