وزیراعظم کے معاون خصوصی برائے مذہبی ہم آہنگی علامہ طاہر اشرفی نے کہا ہے کہ فلسطین اور کشمیر کا مسئلہ امت مسلمہ سمیت پوری انسانیت کا مسئلہ بن گیا ہے اور اس مسئلے کو حل کئے بغیر دنیا میں امن ممکن نہیں ہے۔
تفصیلات کے مطابق پریس کانفرنس کرتےہوئے علامہ طاہر اشرفی نے کہا ہے کہ فلسطین کا مسئلہ امت مسلمہ کا نہیں ہے بلکہ اب یہ انسانیت کا مسئلہ ہے اور ان حالات میں کسی کو بھی امت کو تقسیم کرنے کی کوئی کوشش نہیں کرنی چاہیئے۔
انہوں نےکہا ہے کہ اس وقت شرپسند اور شرارتی عناصر پر نظر رکھنے اور امت مسلمہ کو اکٹھا کرنے کی ضرورت ہے کیونکہ کوئی ایک ملک وہ کردار ادا نہیں کر سکتا جتنا سب ملک مل کر ادا کر سکتے ییں۔
ان کا کہنا تھا کہ عالم اسلام میں پاکستانی حکومت نے سب سے بہتر کردار ادا کیا ہے اور دورہ سعودی عرب میں بھی مسئلہ فلسطین کو اجاگر کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News