ماحولیات کے عالمی دن کی میزبانی پاکستان کررہا ہے جس کی مرکزی تقریب آج کنونش سینٹر اسلام آباد میں ہوگی۔

عالمی یوم ماحولیات کی تقریب کے مہمان خصوصی وزیر اعظم عمران خان ہوں گے اور تقریب سے خطاب بھی کریں گے جبکہ دنیا کے مختلف ممالک اور عالمی اداروں کے مندوبین کورونا کی وجہ سے ورچوئل طور پر تقریب میں شرکت کریں گے ۔

Pakistan is hosting #WorldEnvironmentDay today.

Globally acknowledged & fully committed to playing a leadership role in #EcosystemRestoration, Pakistan urges the world to join hands to protect environment & reset relationship with Nature.#GenerationRestoration#WEDPakistan2021 pic.twitter.com/MDovNVszi0

Advertisement

— Prime Minister's Office, Pakistan (@PakPMO) June 5, 2021

وزیراعظم اپنے خطاب میں اب تک کی اچیومنٹ، نئے اہداف اور اہم اعلانات بھی کریں گے۔

ماحولیات کے عالمی دن پر منفرد تقریب میں چاروں صوبوں کا ثقافتی شو روایتی رقص پیش کیا جائے گا۔

تقریب میں چینی صدر، اقوام متحدہ کے سیکریٹری جنرل سمیت عالمی لیڈر کے مبارکباد کے پیغامات نشر کئے جائیں گے۔

تقریب میں ملی نغمے، بلین ٹری سونامی کی سائیٹس اور پرفضا مقامات کی جھلک پیش کی جائے گی۔

خیال رہے کہ تقریب میں سیاسی و حکومتی شخصیات، وزراء، غیر ملکی سفیروں شریک ہوں گے۔

 پاکستان کو عالمی یوم ماحولیات کی تقریبات کی میزبانی کا یہ اعزاز وزیراعظم عمران خان کی قیادت میں حکومت کی جانب سے قدرتی ماحول کی بحالی و تحفظ اور مسائل کے حل کے لئے قدرتی طریقوں کو بروئے کار لانے کی کوششوں کا عالمی سطح پر اعتراف ہے۔