پولیس کا نظام تباہ ہوگیا ہے اب بچیوں کی لاشیں بھی محفوظ نہیں، حلیم عادل شیخ

تنزیلہ قریشی

14th Aug, 2021. 11:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیس کا نظام تباہ ہوگیا ہے اب بچیوں کی لاشیں بھی محفوظ نہیں، حلیم عادل شیخ

اپوزیشن لیڈر حلیم عادل شیخ نے کہا ہے کہ پولیس کا نظام تباہ ہوگیا اب تو ہماری بچیوں کی لاشیں بھی محفوظ نہیں ہیں۔

تفصیلات کے مطابق حلیم عادل شیخ کا کہنا ہے کہ ٹھٹھہ میں چودہ سالہ لڑکی مرحومہ آمنہ کی نعش کی بے حرمتی کا یہ ایک افسوسناک اور دردناک واقعہ ہے، اس واقعے سے انسانیت شرما گئی ہے۔

اپوزیشن لیڈر نے کہا کہ وفاق رینجرز کے ذریعے ڈاکو راج کے خلاف آپریشن کرے گی، ہم ایسے لوگوں کو سرِعام پھانسی کی بات کرتے ہیں تو یہ موم بتی والے سیاستدان کہتے ہیں“پھانسی نہ دو پھانسی نہ دو“.

انہوں نے کہا کہ سندھ حکومت پولیس کے ذریعے صرف مال اکٹھے کرنے پر لگی ہوئی ہے، وفاق رینجرز کے ذریعے ڈاکو راج کے خلاف آپریشن کرے گی۔

ان کا کہنا تھا کہ پولیس آج رات میں اس درندے کو گرفتار کرے اگر گرفتار نہیں کرینگے تو ایس ایس پی اس کا جوابدہ ہوگا۔

حلیم عادل شیخ نے کہا کہ ہم مظلوم کے ساتھ کھڑے ہیں اور متاثرہ خاندان کی بیت المال سے مالی مدد کرینگے۔

اپوزیشن لیڈر حلیم عادل شیخ نے کہا کہ ایس پی ہو یا ایم ایس کسی نے بھی اس کیس کو خراب کرنے کی کوشش کی تو اس پر خدا کی لعنت ہوگی۔