وزیراعلیٰ بلوچستان کی زیر صدارت پی ایس ڈی پی 22-2021 کے حوالے سے اجلاس

تنزیلہ قریشی

05th Aug, 2021. 08:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ بلوچستان کی زیر صدارت پی ایس ڈی پی 22-2021 کے حوالے سے اجلاس

وزیراعلیٰ بلوچستان جام کمال خان کی زیرِ صدارت پی ایس ڈی پی 22-2021 کے حوالے سے اعلیٰ سطحی اجلاس ہوا ، جس میں مقامی نوجوانوں کی تربیت ،چینی امداد کے زریعے اسپیشل اکنامک زونز کا جائزہ لیا گیا۔

اجلاس میں وزیراعلیٰ بلوچستان کو سی پیک سے متعلق دسویں جوائنٹ کوآپریشن کمیٹی کے اجلاس کی تیاری کے حوالے سے آگاہ کیا گیا جبکہ سی پیک اسٹریٹجی ڈرافٹ اور 10ویں جے سی سی اجلاس کے لیے مرتب سفارشات کا بھی تفصیلی جائزہ لیا گیا۔

اجلاس میں وزیراعلیٰ بلوچستان کو بریفنگ دی گئی کہ گوادر اسمارٹ پورٹ سٹی کی ماسٹر پلاننگ مکمل کرلی گئی، پاک چائنہ ٹیکنیکل اینڈ ووکیشنل انسٹیٹیوٹ کا کام 90 فیصد جبکہ ایسٹ بے ایکسپریس وے کا کام بھی 94 فیصد مکمل کرلیا گیا ہے۔

بریفنگ میں کہا گیا کہ سی پیک منصوبوں میں شمسی اور ہوا سے توانائی کے منصوبوں کو ترجیح دینا ہوگی۔

بریفنگ دیتے ہوئے یہ بھی کہا گیا کہ وفاقی حکومت گوادر کے راستے وسطی ایشائی ممالک کو ٹرانزٹ ٹریڈ کی سہولیات کے لیے فریم ورک بنائے گی۔

وزیراعلیٰ بلوچستان جام کمال خان نے اجلاس کو ہدایت کرتے ہوئے کہا کہ ترقیاتی اہداف کے حصول کے لیے جامع حکمت عملی کے تحت اقدامات کیے جائیں۔