مشترکہ کاوشوں سے دہشت گردی آخری سانسیں لے رہی ہے،آئی جی پولیس بلوچستان

تنزیلہ قریشی

04th Aug, 2021. 07:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشترکہ کاوشوں سے دہشت گردی آخری سانسیں لے رہی ہے،آئی جی پولیس بلوچستان

آئی جی پولیس بلوچستان محمد طاہر رائے ہلا ل شجاعت نے کہا ہے کہ سب کی مشترکہ کاوشوں سے دہشت گردی آخری سانسیں لے رہی ہے۔

تفصیلات کے مطابق یومِ شہدا پولیس کے موقع پر پولیس لائن کوئٹہ میں تقریب منعقد ہوئی جس میں آئی جی پولیس بلوچستان محمد طاہر رائے ہلال شجاعت نے کہا کہ بلوچستان پولیس شہدا کی قربانیوں کی داستان لازوال ہے۔

انہوں نے کہا کہ شہدا نے اپنی جانیں قربان کرکے صوبے میں امن کے قیام کو یقینی بنایا ہے،شہدا کی قربانیوں کی بدولت ہی شہری خود کو پہلے سے زیادہ محفوظ تصور کرتے ہیں۔

آئی جی پولیس بلوچستان کا کہنا ہے کہ پولیس فورس نے شہادتیں دیکر ایک نئی تاریخِ رقم کی ہے، پولیس اپنے قیام سے لیکر آج تک امن کی علمبردار رہی ہے۔

انکا کہنا تھا کہ ہم نے دہشت گردی کے خاتمے کا عہد کیا ھے، سب کی مشترکہ کاوشوں سے دہشت گردی اب آخری سانسیں لے رہی ہے۔

آئی جی پولیس بلوچستان محمد طاہر رائے ہلا ل شجاعت کا مزید کہنا تھا کہ صوبے میں قیام امن کے لئے اب تک 936 پولیس آفسران اور جوانوں نے شہادت کا رتبہ پایا ہے۔

واضح رہے کہ تقریب میں ایڈیشنل آئی جی جہانزیب خان جوگیزئی، ریجنل پولیس آفیسر، کمانڈنٹ پی ٹی سی محمد سلیم لہڑی سمیت اعلیٰ حکام نے شرکت کی۔