تاجروں پر ایف آئی آر کاٹنے کی بھرپور مزمت کرتے ہیں، شرجیل گوپلانی

اریبہ تنویر

26th Sep, 2021. 09:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تاجروں پر ایف آئی آر کاٹنے کی بھرپور مزمت کرتے ہیں، شرجیل گوپلانی

صدر آل سٹی تاجر اتحاد شرجیل گوپلانی نے کہا ہے کہ تاجروں پر ایف آئی آر کاٹنے کی بھرپور مزمت کرتے ہیں۔
تفصیلات کے مطابق صدر آل سٹی تاجر اتحاد شرجیل گوپلانی نے سندھ حکومت کے بغیر ویکسینیشن کارڈ والے تاجروں پر ایف آئی آر کاٹنے والے فیصلے کی مزمت کرتے ہوئے کہا کہ سندھ حکومت اور آئی جی سندھ سے درخواست ہے کہ ویکسین کے معاملے پر ایف آئی آر نا کاٹی جائے۔
انہوں نے کہا کہ تاجروں نے اپنے طور پر ویکسین کا عمل مکمل کر لیا ہے مگر بعض جگاہوں پر اگر ویکسین نہیں ہو سکی ہے تو حکومت کنوینس کر کے اس عمل کو مکمل کرائے۔
ان کا کہنا تھا کہ حکومت کو متنبہ کرتے ہیں کہ اگر تاجروں کی ایف آئی آر کاٹی گئی تو ہم بھر پور احتجاج کریں گے۔ چیف جسٹس آف پاکستان نوٹس لے کر فوری طور پر ایف آئی آر رکوائیں۔
ان کا کہنا تھا کہ جب تک صدارتی آرڈیننس واپس نہیں لیا جاتا تب تک آل پاکستان انجمن تاجران اپنے احتجاج کی کال واپس نہیں لے گی۔ پاکستان کی معیشت کو نقصان پہنچانے کے لیے ایف بی آر کی پالیسی کو ہم نہیں مانیں گے۔

شرجیل گوپلانی کا کہنا تھا کہ اس مسئلے کے حل لے لیے تمام تاجر ایک پلیٹ فارم پر ہیں اور تاجروں کے مفاد کے لیے تاجر تنظیموں کو اپنی انا سے ہٹ کر کام کرنا پڑے گا۔
انہوں نے کہا کہ ایف بی آر کا معاملہ تمام تاجروں اور معیشت کے لیے لٹکتی تلوار ہے۔ ایف بی آر جو سسٹم لگانے جا رہا ہے وہ تاجروں اور ملک کے مفاد میں نہیں ہے۔
شرجیل گوپلانی کا کہنا تھا کہ حکومت ہوش کے ناخن لے اور جن تاجروں نے احتجاج کی کال واپس لی ہے، ہم ان کی مذمت کرتے ہیں۔
ان کا مزید کہنا تھا کہ 29 ستمبر کو ہر صورت اسلام آباد میں ایف بی آر عمارت کا گھیرائو کریں گے۔