مشترکہ مفادات کونسل کا دوسرا فیصلہ چیلنج

اریبہ تنویر

18th Sep, 2021. 12:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشترکہ مفادات کونسل کا دوسرا فیصلہ چیلنج

مشترکہ مفادات کونسل کا دوسرا فیصلہ سندھ حکومت نے چیلنج کر دیا۔

تفصیلات کے مطابق متبادل توانائی پالیسی میں ہائیڈل پاور منصوبوں کو شامل کرنے پر سندھ حکومت نے اعتراض کر دیا۔

ذرائع کا کہنا ہے کہ سندھ حکومت نے سی سی آئی کےمتنازعہ فیصلے پر ریفرنس پارلیمنٹ کو بھیجنے کی درخواست کر دی اور ساتھ سندھ حکومت نے وفاق کو اس سے متعلق مراسلہ بھی بھیجا۔

سندھ حکومت نے موقف اختیار کیا کہ بدقسمی سے مشترکہ مفادات کونسل نے متبادل توانائی پر اتفاق رائے کے بجائے اکثریت کی بنیاد پر فیصلہ کیا ہے۔

ذرائع کا کہنا ہے کہ سندھ حکومت نے سی سی آئی کے دو فیصلوں پر پارلیمنٹ کو ریفرنس ارسال کیا ہے۔

ذرائع کا کہنا تھا کہ سندھ حکومت مردم شماری پر بھی سی سی آئی کے فیصلے کو چیلنج کر چکی ہے اور اب متبادل توانائی سے متعلق سی سی آئی کا فیصلہ بھی سندھ حکومت نے چیلنج کر دیا ہے۔

مشترکہ مفادات کونسل صوبوں کے درمیان حل طلب معاملات کو طے کرنے کا فیصلہ ساز فورم ہے۔

واضح رہے کہ سی سی آئی کے قیام سے لے کر 2019 تک مشترکہ مفادات کونسل کا کوئی فیصلہ اب تک پارلیمنٹ میں نہیں گیا۔