خالد مقبول صدیقی کی کراچی میں دھماکے پر مذمت

تنزیلہ قریشی

29th Oct, 2021. 10:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خالد مقبول صدیقی کی کراچی میں دھماکے پر مذمت

ایم کیو ایم پاکستان کے کنوینر ڈاکٹر خالد مقبول صدیقی نے کراچی میں بورڈ آفس کے قریب پیٹرول پمپ پر دھماکے کی مذمت کی ہے۔

تفصیلات کے مطابق ایم کیو ایم پاکستان کے کنوینر ڈاکٹر خالد مقبول صدیقی نے کہا کہ سی این جی اسٹیشن دھماکے میں 4 افراد کی ہلاکت پر افسوس ہے، اللہ تعالیٰ دھماکے میں زخمی ہونے والے افراد کو جلد صحتیاب کرے۔

ڈاکٹر خالد مقبول صدیقی نے دھماکے میں زخمی ہونے والے افراد کی عیادت کے لئے رابطہ کمیٹی اور اراکین اسمبلی کو عباسی شہید ہسپتال روانہ ہونے کی ہدایت کی۔

واضح رہے کہ کراچی میں بورڈ آفس کے قریب پیٹرول پمپ پر دھماکہ ہوا تھا، دھماکے میں 2 افراد جاں بحق جبکہ 5 زخمی ہوگئے ہیں، زخمیوں میں بیشتر موٹر سائیکل سوار افراد شامل ہیں۔

ذرائع کے مطابق رینجرز اور پولیس کی بھاری نفری موقع پر پہنچ گئی تھی، زخمیوں کو ہسپتال منتقل کیا گیا تھا۔

ڈی آئی جی ویسٹ ناصرآفتاب کا کہنا تھا کہ جائے وقوعہ سے سلینڈر کے ٹکڑے نہیں ملے، پمپ کا الیکٹریکل روم کا دروازہ اڑا ہوا ہے، بم ڈسپوزل ٹیم طلب کرلی ہے، مزید تحقیقات جاری ہے۔