ریاست پاکستان ایک آگ اور خون کے دریا سے ہو کر نکلی ہے، فواد چوہدری

اریبہ تنویر

01st Oct, 2021. 10:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ریاست پاکستان ایک آگ اور خون کے دریا سے ہو کر نکلی ہے، فواد چوہدری

وفاقی وزیر اطلاعات و نشریات فواد چوہدری نے کہا ہے کہ ریاست پاکستان ایک آگ اور خون کے دریا سے ہو کر نکلی ہے۔
تفصیلات کے مطابق وفاقی وزیر اطلاعات و نشریات فواد چوہدری نے اپنے بیان میں کہا کہ وزیراعظم پاکستان کے بیان کو لے کر کافی گفتگو ہو رہی ہے تو ضروری ہے کہ اس کا ایک پس منظر آپ کے سامنے رکھا جائے۔
فواد چوہدری نے کہا کہ ریاست پاکستان ایک آگ اور خون کے دریا سے ہو کر نکلی ہے، ہم نے ہزاروں لوگوں کی قربانیاں دی ہیں اور ان قربانیوں کے نتیجے میں ہم نے پاکستان میں جہاں القاعدہ جیسی دہشت گرد تنظیموں کو شکست دی وہیں ہندوستان کی ریشہ دوانیوں کو مکمل طور پر ختم کیا ہے۔
وفاقی وزیر اطلاعات و نشریاتنے کہا کہ الحمداللہ پاکستان پہلے سے زیادہ مضوط و پرعزم کھڑا ہے اور اب ضرورت ہے آگے چلنے کی۔
فواد چوہدری کا کہنا تھا کہ ریاست کی پالیسیاں ایک مخصوص پس منظر میں بنتی ہیں، مخصوص حالات میں بنتی ہیں، انہی مخصوص حالات میں خاندان اور بے شمار لوگ جو پاکستان کے ساتھ وفاداری عہد نہیں نبھا سکے وہ یہ عہد نبھانے واپس آنا چاہتے ہیں۔ بلوچستان میں 3ہزار سے زیادہ وہ لوگ جو ناراض تھے جو ہندوستان کی ریشہ دوانیوں کا شکار ہوئے وہ واپس آ چکے ہیں۔

فواد چوہدری کا کہنا تھا کہ اسی طریقے سے کالعدم ٹی ٹی پی کے مختلف گروہ ہیں، ان گروہوں میں ایسے لوگ بھی ہیں جو پاکستان کے ساتھ اپنی وفا کا عہد نبھانا چاہتے ہیں۔ ہمارا ماننا یہ ہے کہ ایسے لوگوں کو ریاست کو یہ موقع دینا چاہیے کہ وہ زندگی کے دھارے میں واپس آ سکیں۔
وفاقی وزیر اطلاعات و نشریات فواد چوہدری کا مزید کہنا تھا کہ وزیراعظم نے جو آج اصول وضع کیے ہیں جن کے اوپر ہم آگے بڑھنا چاہتے ہیں وہ یہی اصول ہیں کہ ہم اپنے آئین و قانون کے دائرے میں رہتے ہوئے ان لوگوں کو جو اپنے مخصوص حالات کے پیش نظر پاکستان کے راستے سے جدا ہو گئے تھے ان کو واپس راستے پر لاسکیں اور وہ پاکستان کے ایک عام شہری کی حیثیت سے اپنی زندگی گزار سکیں۔