وزیراعلیٰ پنجاب سردار عثمان بزدار نے کہا ہے کہ اپوزیشن شفاف انتخابات نہیں چاہتی ہے۔
عثمان بزدار نے لاہور میں پریس کانفرنس کرتے ہوئے کہا کہ پارلیمنٹ کے مشترکہ اجلاس میں اپوزیشن کو بری طرح شکست کا سامنا کرنا پڑا، خوش فہمی کا شکار اپوزیشن کی امیدوں پر پانی پھر گیا۔
ان کا کہنا تھا کہ اپوزیشن کا غیر جمہوری اور غیر اخلاقی رویہ افسوسناک رہا، دعوے کرنے والے شکست پر اجلاس سے راہ فرار اختیار کر گئے۔
عثمان بزدار کا کہنا تھا کہ پارلیمنٹ کے مشترکہ اجلاس میں تاریخ ساز قانون سازی ہوئی۔ الیکٹرانک ووٹنگ مشین کا بل پاس ہونا خوش آئند ہے، اس بل کے پاس ہونے سے انتخابات میں شفافیت آئے گی اور انتخابات کے نتائج پر کوئی انگلی نہیں اٹھا سکے گا۔
انہوں نے کہا کہ ای وی ایم ووٹنگ سے پاکستان میں شفاف الیکشن کی راہ ہموار ہو گی اور الیکشن کے سو فیصد درست نتائج اخذ ہوں گے جو عوام کا بنیادی اور جمہوری حق ہے۔
Advertisement
عثمان بزدار نے کہا کہ بیرون ملک مقیم پاکستانیوں کو ووٹنگ کا حق دے کر تحریک انصاف کی حکومت نے اپنا وعدہ پورا کیا ہے۔
ان کا مزید کہنا تھا کہ اپوزیشن کی جانب سے قانون سازی کی مخالفت ”چور مچائے شور“ کے مترادف ہے۔ اپوزیشن کو اب اپنا منفی رویہ ترک کر دینا چاہیے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
