بلوچستان یونیورسٹی سے لاپتہ ہونے والے 2 طلباء کا اب تک کوئی پتا نہیں چل سکا ہے۔
جامعہ بلوچستان کے مطالعہ پاکستان ڈیپارٹمنٹ کے مبینہ طور پر لاپتہ 2 طالب علم سہیل اور فاسیع کا 18 روز کے بعد بھی تاحال کوئی سراغ نہ مل سکا جس پر یونیورسٹی کی طلباء کا احتجاج تاحال جاری ہے جبکہ جامعہ بلوچستان میں تدریسی سرگرمیاں معطل کر دی گئی ہیں۔
طلباء نے احتجاج کو صوبے سے ملک بھر میں پھیلانے کا عندیہ دیا ہے اور احتجاج پر بیٹھے طلباء سے حکومتی کمیٹی کے مذاکرات اب تک 2 بار ناکام ہو چکے ہیں۔
مظاہرین طلباء کا مطالبہ ہے کہ جامعہ سے لاپتہ کیے گئے دونوں طلباء کو منظر عام پر لایا جائے۔
طلباء کے احتجاج کے باعث جامعہ میں ہونے والے امتحانات تعطل کا شکار ہیں جبکہ تدریسی عمل بھی تاحال معطل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News