آنے والی نسلوں کو مضبوط پاکستان دینا ہے تو مذہبی ہم آہنگی کو فروغ دینا ہو گا، طاہر اشرفی

اریبہ تنویر

18th Nov, 2021. 12:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آنے والی نسلوں کو مضبوط پاکستان دینا ہے تو مذہبی ہم آہنگی کو فروغ دینا ہو گا، طاہر اشرفی

وزیر اعظم کے نمائندہ خصوصی حافظ طاہر اشرفی نے کہا ہے کہ آنے والی نسلوں کو اگر مضبوط و مستحکم پاکستان دینا ہے تو رواداری اور مذہبی ہم آہنگی کو فروغ دینا ہو گا اور انتہا پسندی اور دہشت گردی کے خلاف کھڑا ہونا ہو گا۔

طاہر اشرفی نے اسلامک یونیورسٹی میں پیغام پاکستان ٹریننگ پروگرام کے اساتذہ سے خطاب کرتے ہوئے کہا کہ معاشرے میں مذہبی ہم آہنگی، رواداری، اخوت اور محبت پیدا کرنے کے لیے محراب و منبر اور اساتذہ کو اپنا بھرپور کردار ادا کرنا ہو گا۔

انہوں نے کہا کہ اساتذہ اور محراب و منبر کو تعلیم کے ساتھ تربیت کی طرف توجہ دینی چاہیے۔

ان کا کہنا تھا کہ انتہا پسندی اور دہشت گردی نے پورے عالم اسلام کو نقصان پہنچایا ہے۔

حافظ طاہر اشرفی کا مزید کہنا تھا کہ آئین پاکستان، قرآن و سنت کے مطابق ملک میں خلاف راشدہ کا نظام اس ہی وقت نافذ ہو سکتا ہے جب ہم نظام مصطفیٰ ﷺ اپنے گھروں میں نافذ کریں، اسلام اقلیتوں کے حقوق کا محافظ ہے اور اسلام کا پیغام اعتدال و رواداری اور محبت کا ہے۔

اس موقعے پر ڈاکٹر یٰسین معصوم زئی، ڈاکٹر ضیاء الحق، آئی جی اسلام آباد ذاکر قاضی جمیل الرحمن نے بھی خطاب کیا۔