امریکی بحریہ کے جہاز یو ایس ایس پرل ہاربر نے کراچی کا دوروزہ دورہ کیا ہے۔
امریکی چارج ڈی افیئرز ولیم اسٹیور کراچی کے دورے پر آئے امریکی بحریہ کے جہاز یو ایس ایس پرل ہاربر کا دورہ کیا اور امریکی اور پاکستانی بحریہ کے درمیان مشترکہ مشق کا مشاہدہ کیا۔
ان کے دورے نے دونوں ممالک کے درمیان مضبوط فوجی تعاون کو اجاگر کیا ہے۔
قابل ذکر بات یہ ہے کہ یو ایس ایس پرل ہاربر اس سے قبل 8 اکتوبر 2005 کو آنے والے تباہ کن زلزلے کے بعد پاکستان کو امداد فراہم کرنے کراچی آیا تھا۔
چارج ڈی افیئرز نے یو ایس ایس پرل ہاربر پر اپنے استقبالیہ ریمارکس میں کمبائنڈ میری ٹائم ٹاسک فورس (سی ایم ایف) میں پاک بحریہ کی شرکت اور شمالی بحیرہ عرب میں سمندری راستوں کے تحفظ کے لیے اس کے عزم کو سراہا۔
انہوں نے کہا کہ امریکہ اور پاکستان کے درمیان ملٹری ٹو ملٹری تعلقات مضبوط اور پائیدار ہیں۔ عملے کے تبادلے اور مشترکہ مشقوں کے ذریعے ہم دنیا کی اہم ترین سمندری گزرگاہ کی حفاظت اور دہشت گردی کے انسداد کے لیے مل کر کام کر رہے ہیں۔
ولیم اسٹیور نے مزید کہا کہ ہم مل کر ایک زیادہ پرامن، مستحکم اور خوشحال جنوبی ایشیا کو یقینی بنانے میں ایک دوسرے کی مدد کر سکتے ہیں۔
خیال رہے کہ یو ایس ایس پرل ہاربر(ایل ایس ڈی 52 ) ایک ایسا بحری جہاز ہے جو امریکی میرینز اور گاڑیوں کو ایک جگہ سے دوسری جگہ لے جانے کی صلاحیت رکھتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News