آرمی پبلک اسکول کیس؛ وفاقی حکومت نے جواب جمع کرانے کے لئے مزید وقت مانگ لیا

ویب ڈیسک

09th Dec, 2021. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آرمی پبلک اسکول کیس؛ وفاقی حکومت نے جواب جمع کرانے کے لئے مزید وقت مانگ لیا

وفاقی حکومت نے سانحہ آرمی پبلک اسکول کیس میں جواب جمع کرانے کے لئے سپریم کورٹ سے مزید وقت مانگ لیا ہے۔

بول نیوز کے مطابق وفاقی حکومت نے سانحہ آرمی پبلک اسکول کیس میں جواب جمع کرانے کے لئے دیئے گئے وقت میں اضافے کے لیے سپریم کورٹ کو درخواست دے دی ہے۔

درخواست میں کہا گیا ہے کہ سانحہ اے پی ایس پشاور کے شہداء کی 16 دسمبر کو برسی ہے، وزیراعظم نے شہداء کے والدین سے ملاقات کے ئیے کمیٹی تشکیل دی ہے، مناسب ہوگا والدین اور کمیٹی کی ملاقات کا نتیجہ سامنے آنے دیا جائے۔

عدالت عظمیٰ میں دائر درخواست میں استدعا کی گئی ہے کہ وزیراعظم کا دستخط شدہ جواب جمع کرانے کے لئے تین ہفتے کی مہلت دی جائے تاکہ عدالت کو جامع عملدرآمد رپورٹ پیش کی جائے۔

واضح رہے کہ 10نومبر کو سپریم کورٹ میں سانحہ آرمی پبلک اسکول سے متعلق از کود نوٹس کی سماعت ہوئی تھی جس میں وزیر اعظم بھی پیش ہوئے تھے۔ اپنے حکم نامے میں عدالت نے حکم دیا تھا سانحہ اے پی ایس پشاور میں ملوث افراد کیخلاف مثبت اقدام اٹھائے،حکومت والدین کا موقف لے کر کارروائی کی جائے۔