وفاقی حکومت نے سانحہ آرمی پبلک اسکول کیس میں جواب جمع کرانے کے لئے سپریم کورٹ سے مزید وقت مانگ لیا ہے۔
بول نیوز کے مطابق وفاقی حکومت نے سانحہ آرمی پبلک اسکول کیس میں جواب جمع کرانے کے لئے دیئے گئے وقت میں اضافے کے لیے سپریم کورٹ کو درخواست دے دی ہے۔
متعلقہ خبر: سانحہ آرمی پبلک اسکول کیس، سماعت کا تحریری حکم نامہ جاری
درخواست میں کہا گیا ہے کہ سانحہ اے پی ایس پشاور کے شہداء کی 16 دسمبر کو برسی ہے، وزیراعظم نے شہداء کے والدین سے ملاقات کے ئیے کمیٹی تشکیل دی ہے، مناسب ہوگا والدین اور کمیٹی کی ملاقات کا نتیجہ سامنے آنے دیا جائے۔
عدالت عظمیٰ میں دائر درخواست میں استدعا کی گئی ہے کہ وزیراعظم کا دستخط شدہ جواب جمع کرانے کے لئے تین ہفتے کی مہلت دی جائے تاکہ عدالت کو جامع عملدرآمد رپورٹ پیش کی جائے۔
متعلقہ خبر: سانحہ آرمی پبلک اسکول پشاورنے پوری قوم کو متحد کیا
واضح رہے کہ 10نومبر کو سپریم کورٹ میں سانحہ آرمی پبلک اسکول سے متعلق از کود نوٹس کی سماعت ہوئی تھی جس میں وزیر اعظم بھی پیش ہوئے تھے۔ اپنے حکم نامے میں عدالت نے حکم دیا تھا سانحہ اے پی ایس پشاور میں ملوث افراد کیخلاف مثبت اقدام اٹھائے،حکومت والدین کا موقف لے کر کارروائی کی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News