افریقی ملک جمہوریہ وسطی افریقا میں اقوام متحدہ کے امن مشن میں خدمات سرانجام دیتے ہوئے پاک فوج کا ایک اہلکار شہید ہوگیا۔
آئی ایس پی آر کے مطابق افریقا کے ملک جمہوریہ وسطی افریقا میں اقوام متحدہ کے امن مشن میں شامل پاک فوج کے جوان حوالدار محمد شفیق نے فرض کی ادائیگی کے دوران جام شہادت نوش کرلیا، وہ جمہوریہ وسطی افریقا میں اقوام متحدہ کے تحت پاکستانی دستے میں شامل تھے۔
حوالدار شفیق نے فروری 2021 میں اقوام متحدہ کے امن مشن میں شمولیت اختیار کی تھی۔ ان کی ذمہ داری شہریوں کے جانی و مالی تحفظ کو یقینی بنانا اور انسانی ہمدردی کے تحت امدادی کی فراہمی میں سہولت فراہم کرنا تھا۔
حوالدار شفیق کی نماز جنازہ ان کے آبائی علاقے میاں چنوں میں ادا کر دی گئی، شہید کو پورے فوجی اعزاز کے ساتھ سپرد خاک کردیا گیا، حوالدار شفیق نے پسماندگان میں بیوہ اور 3 بچے چھوڑے ہیں۔
واضح رہے کہ اب تک دنیا بھر میں اقوام متحدہ کے تحت پاک فوج کے امن دستوں میں شامل 162 افسران و اہلکار اپنی جانوں کا نذرانہ پیش کرچکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
