وزیراعظم نے کہا ہے کہ پاکستان اور روس کے درمیان تعلقات اوپر کی جانب گامزن ہیں۔

وزیر اعظم عمران خان کی چیچن ریپبلک کے سربراہ رمضان قادروف سے ملاقات اور ماسکو کیتھیڈرل مسجد کا دورہ کیا ہے۔

چیچن ریپبلک کے سربراہ سے ملاقات کے دوران وزیراعظم نے رمضان قادروف کی قیادت میں گروزنی کی تعمیر نو اور چیچن میں تیزی سے توسیع کو سراہا۔

وزیراعظم نے پاکستان کے مختلف صوبوں اور روس کے جمہوریہ کے درمیان تعاون کے فروغ کی حوصلہ افزائی کی۔

ملاقات میں وزیراعظم نے کہا کہ پاکستان اور روس کے درمیان تعلقات اوپر کی جانب گامزن ہیں۔

دوسری جانب وزیراعظم نے روس کے دو روزہ دورے کا اختتام ماسکو کیتھیڈرل مسجد کے دورے کے ساتھ کیا۔ مفتی اعظم شیخ راول گیانوت الدین نے وزیراعظم اور ان کے وفد کا استقبال کیا۔

دورے کے دوران مفتی اعظم نے وزیر اعظم کو مسجد کی تاریخ سے بھی آگاہ کیا اور وزیر اعظم کے دورہ پر ان کا شکریہ بھی ادا کیا۔

 اس موقع پر وزیراعظم نے دنیا بھر میں اسلامو فوبیا کے بڑھتے ہوئے رجحان کا مقابلہ کرنے کی ضرورت پر زور دیا جبکہ وزیر اعظم عمران خان نے بڑھتی ہوئی بکھرتی ہوئی دنیا میں پرامن بقائے باہمی کے لیے بین المذاہب ہم آہنگی کو فروغ دینے کی ضرورت پر بھی زور دیا۔

وزیر اعظم عمران خان نے صدر پیوٹن کی اس حساسیت کے بارے میں جو مسلمان حضور صلی اللہ علیہ وسلم سے وابستہ ہیں کو سراہا۔