پی آئی اے کا خصوصی طیارہ یوکرین میں پھنسے پاکستانیوں کو وطن واپس لے کر پہنچ گیا ہے۔

پاکستان اینٹرنیشنل ایئرلائن (پی آئی اے) کا خصوصی طیارہ گزشتہ رات یوکرین میں پھنسے 232 پاکستانیوں کو وطن واپس لے کر پہنچا ہے۔

پی کے 7788 نے رات 12 بجے اسلام آباد کے ہوائی اڈے پر لینڈ کیا تھا اور اس وقت پی آئی اے اور وزارت خارجہ کی حکام ایئرپورٹ پر موجود تھے۔

پاکستانیوں کی وطن واپسی پر خوشی کا اظہار کرتے ہوئے ایئرمارشل ارشد ملک نے بھی پی آئی اے کی کاوشوں کو سراہا ہے۔

Proud to serve Pakistan, on instructions of @GovtofPakistan &support by @foreignofficePk, #PIA launched first flight to evacuate stranded Pakistanis, demonstrating true character of PIA, that’s not about commercial but proving yet again that anything for Pakistan, bravo team PIA pic.twitter.com/XLHNXhsZkz

— Air Marshal Arshad Malik (@amarshadmalik) March 9, 2022

 انہوں نے سماجی رابطے کی ویب سائٹ پر ایک پیغام بھی جاری کیا جس میں وطن پہنچنے والوں کے جذبات دیکھے جاسکتے ہیں۔

وطن واپس پہنچنے پر جذباتی مناظر، بہت سے مسافر وطن کی سرزمین پر آببیدہ ہوگئے  جبکہ مسافروں کی جانب سے پاکستان زندہ باد اور پی آئی اے پائندہ بعد کے فلک شگاف نعرے بھی لگائے۔

FS Sohail Mahmood welcomed 230 🇵🇰 students/nationals, repatriated from 🇺🇦through🇵🇱 Poland’s Amb Maciej Pisarksi was also present

A chartered @Official_PIA flight was operated by @GovtofPakistan for repatriation

Students thanked Govt & @ForeignOfficePk for evacuation efforts. pic.twitter.com/f0Xmp39Mdn

— Spokesperson 🇵🇰 MoFA (@ForeignOfficePk) March 8, 2022

طیارہ علی الصبح پاکستان سے پولینڈ کے دارالحکومت وارسا بھیجا گیا تھا جو کہ وزارت خارجہ اور حکومت پاکستان کی ہدایات پر روانہ کیا گیا تھا۔

واضح رہے کہ پی آئی اے کی جانب سے یوکرین میں پھنسے پاکستانی طلبہ کو ریسکیو کرنے کا فیصلہ  کیا گیا تھا۔

گزشتہ دنوں یوکرین میں پھنسے پاکستانی شہریوں اور طلبا کی واپسی کے لیے آپریشن تیار کیا گیا تھا، سی ای او پی آئی اے ارشد ملک اور یوکرین میں پاکستانی سفیر کے درمیان رابطہ ہوا تھاجس میں یوکرین میں پھنسے پاکستانی شہریوں کی محفوظ مقام پر منتقلی اور وطن واپسی سے متعلق گفتگو کی گئی تھی۔