جانوروں کی جلسوں میں نمائش جرم ہے، اسلام آباد ہائی کورٹ

ویب ڈیسک

30th Apr, 2022. 10:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

جانوروں کی جلسوں میں نمائش جرم ہے، اسلام آباد ہائی کورٹ
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

جانوروں کی جلسوں میں نمائش جرم ہے، اسلام آباد ہائی کورٹ

اسلام آباد ہائی کورٹ نے ریمارکس دیئے ہیں کہ شیر اور گدھوں کی جلسوں میں نمائش انہیں تکلیف دینے کے مترادف اور ایک جرم ہے۔

اسلام آباد ہائی کورٹ کے چیف جسٹس اطہر من اللہ نے نایاب نسل کے جانوروں کی غیر قانونی درآمد سے متعلق کیس پر سماعت کا عبوری حکم نامہ جاری کردیا۔

دوران سماعت وزارت تجارت کے سیکشن افسر نعیم تارڑ نے امپورٹ اینڈ ایکسپورٹ پالیسی سے متعلق نوٹی فکیشن کی کاپیاں جمع کرائیں۔

عدالت نے وزارت موسمیاتی تبدیلی سے استفسار کیا کہ جانوروں کی غیر قانونی درآمد میں ملوث افراد کے خلاف کیا کارروائی کی؟ جس پر ڈپٹی کنزرویٹر وزارت موسمیاتی تبدیلی زونا زیدی نے عدالت کو بتایا کہ اس سلسلے میں صوبائی حکومتوں کو مختلف خطوط لکھے مگر متعلقہ افراد کے خلاف کارروائی نہیں ہوئی۔

عدالت عالیہ نے وزارت موسمیاتی تبدیلی کو جانوروں کی جلسوں میں نمائش پر الیکشن کمیشن سے رجوع کرنے کی ہدایت کردی۔

اسلام آباد ہائی کورٹ نے قرار دیا ہے کہ شیر اور گدھوں کی جلسوں میں نمائش انہیں تکلیف دینے کے مترادف اور ایک جرم ہے، الیکشن کمیشن سیاسی جماعتوں کو جانور عوامی جلسوں میں نہ لانے کی ہدائت کرے۔

چیف جسٹس اسلام آباد ہائی کورٹ نے جانوروں کی بغیر پرمٹ امپورٹ اور گھروں پر رکھنے والوں کے خلاف لیے گئے اقدامات کی رپورٹ طلب کرلی۔ کیس کی مزید سماعت 20 مئی کو ہوگی۔