پیمرا نے سابق وزیراعظم اور چیئرمین پی ٹی آئی عمران خان کی تقریر لائیو نشر کرنے  پر پابندی لگادی ہے۔

تفصیلات کے مطابق پیمرا کی جانب سے جاری کردہ اعلامیہ میں بتایا گیا ہے کہ ٹی وی چینل عمران خان کی تقریر ریکارڈ کر کے چلا سکتے ہیں، تاہم براہ راست نشر کرنے پر پابندی ہوگی۔

اعلامیے میں بتایا گیا کہ تمام سیٹیلائیٹ ٹی وی چینل ملکی اداروں کے خلاف کسی بھی تقریر اور بیان بازی کو نشر نہ کرنے کے پابند ہیں۔

پیمرا کا مزید کہنا ہے کہ تمام ٹی وی چینل آزاد ایڈیٹوریل بورڈ تشکیل دیں تاکہ ان کا پلیٹ فارم ملکی اداروں کے خلاف استعمال نہ ہوسکے۔

پی ٹی آئی رہنماؤں کی مذمت

پیمرا نے چیئرمین پی ٹی آئی عمران خان کی تقریر لائیو نشر کرنے  پر پابندی لگادی ہے، جس کے بعد پی ٹی آئی رہنماؤں کی جانب سے اس عمل کی مذمت کی گئی ہے۔

شاہ محمود قریشی

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں رہنما پی ٹی آئی شاہ محمود قریشی نے لکھا کہ پیمرا کی جانب سے چئیرمین عمران خان کی براہِ راست تقاریر نشر کرنے پر پابندی کا فیصلہ برائے نام جمہوری حکومت کی بدترین آمریت کا نمونہ ہے۔

پیمرا کی جانب سے چئیرمین @ImranKhanPTI کی براہِ راست تقاریر نشر کرنے پر پابندی کا فیصلہ برائے نام جمہوری حکومت کی بدترین آمریت کا نمونہ ھے۔ تقاریر تو بند کروا دو گے یہ بتاؤ عمران خان کو کروڑوں پاکستانیوں کے دل سے کیسے نکالو گے؟#WeCantBreathe

— Shah Mahmood Qureshi (@SMQureshiPTI) August 21, 2022

انہوں نے کہا کہ تقاریر تو بند کروا دو گے یہ بتاؤ عمران خان کو کروڑوں پاکستانیوں کے دل سے کیسے نکالو گے؟

عمران اسماعیل

سابق گورنر کراچی عمران اسماعیل نے اپنے ٹوئٹر پر  لکھا کہ عمران خان کی تقاریر پر پابندی امپورٹڈ حکومت کے اوچھے ہتھکنڈوں کی ایک اور داستان ہے یہ عمران خان کا مقابلہ کریں گے جو ان کی تقاریر سے خوفزدہ ہیں۔

عمران خان کی تقاریر پر پابندی امپورٹڈ حکومت کے اوچھے ہتھکنڈوں کی ایک اور داستان ہے یہ عمران خان کا مقابلہ کریں گے جو ان کی تقاریر سے خوفزدہ ہیں عمران خان پاکستانی عوام کے دلوں پر راج کرتے ہیں ان کی آواز دبانے والوں کو عوام خود عبرت کا نشان بنائے گی

Advertisement

— Imran Ismail (@ImranIsmailPTI) August 21, 2022

انہوں نے کہا کہ کہ عمران خان پاکستانی عوام کے دلوں پر راج کرتے ہیں ان کی آواز دبانے والوں کو عوام خود عبرت کا نشان بنائے گی۔

فواد چوہدری

رہنما تحریک انصاف  فواد چوہدری نے  بھی  مذمت کرتے ہوئے کہا  عمران خان پر پابندی ان کی تقریر کے خوف سے لگائی جا رہی ہے۔

Advertisement

نواز شریف کو اشتہاری ہونے کی وجہ سے پابندی کا سامنا ہے اور پوری دنیا میں Absconders کے حقوق کو محدود کیا جاتا ہے تا کہ انھیں قانون کا سامنا کرے پر مجبور کیا جائے عمران خان پر پابندی ان کی تقریر کے خوف سے لگائ جا رہی ہے اس پابندی سے صرف حکمران مزید Expose ہوئے ہیں اور کچھ نہیں https://www.bolnews.com/urdu/pakistan/2022/08/122255/amp/

— Ch Fawad Hussain (@fawadchaudhry) August 21, 2022

فواد چوہدری کا کہنا تھا کہ اس پابندی سے صرف حکمران مزید ایکسپوز ہوئے ہیں اور کچھ نہیں۔

اسد عمر 

 رہنما تحریک انصاف اسد عمر نے بھی ٹوئٹ کرتے ہوئے لکھا کہ عمران خان کی تقاریر ٹیلی کاسٹ پر پابندی سیاسی مسئلے کا انتظامی حل تلاش کرنے کی ایک اور کوشش ہے، اس کو عدالت میں چیلنج کیا جائے گا۔

Banning @ImranKhanPTI speeches telecast is another attempt to find an administrative solution to a political problem. Will be challenged in court. Crises deepening by the day. Fascism on the rise. Alarm bells ringing. Who will take the lead for the solutuon? Supreme court?

— Asad Umar (@Asad_Umar) August 21, 2022

اسد عمر کا کہنا تھا کہ بحران دن بدن گہرے ہوتے جا رہے ہیں،فاشزم عروج پر ہے اور ہر طرف خطرے کی گھنٹیاں بج رہی ہیں۔

شیخ رشید 

سابق وزیر داخلہ شیخ رشید  نے کہا کہ پیمرا نے الیکٹرانک میڈیا کو نوٹس جاری کردیے ہیں،اہم ترین فیصلہ آنے سے پہلے سوشل میڈیا کے خلاف بھی اتھارٹی بن جائے گی، یوٹیوبر کو بھی گھیرے میں لیا جانے والا ہے۔

پیمرا نے الیکٹرانک میڈیا کو نوٹس جاری کردیے ہیں۔اہم ترین فیصلہ آنے سے پہلے سوشل میڈیا کے خلاف بھی اتھارٹی بن جائے گی۔یوٹیوبر کو بھی گھیرے میں لیا جانے والا ہے۔ن اور ش آمنے آنے والی ہیں۔ اسحاق ڈار کو ش نے روکا ہے۔کسی کو اہل اور کسی کو نااہل بنانے کے چکر میں بہت بڑا پھڈا ہو سکتا ہے

— Sheikh Rashid Ahmed (@ShkhRasheed) August 21, 2022

شیخ رشید کا کہنا تھا کہ کسی کو اہل اور کسی کو نااہل بنانے کے چکر میں بہت بڑا پھڈا ہو سکتا ہے۔