آرمی چیف  جنرل قمر جاوید باجوہ کو دوست ممالک کے حکام کی جانب سے پاکستان کے ساتھ بھرپور تعاون کی یقین دہانی کرائی گئی ہے۔

اس حوالے سے ذرائع کا کہنا ہے کہ آرمی چیف جنرل قمر جاوید باجوہ کا سعودی عرب اور متحدہ عرب امارات کے حکام سے رابطہ ہوا ہے۔

ذرائع نے بتایا کہ آرمی چیف نے دوست ممالک کے حکام سے آئی ایم ایف  پروگرام پر گفتگو کی ہے جبکہ حکام نے پاکستان کے ساتھ بھرپور تعاون کی یقین دہانی بھی کروائی ہے۔

 ذرائع نے بتایا کہ حکام کی جانب سے رابطے کے نتیجے میں پاکستان کیلئے جلد اچھی خبر متوقع ہے۔

خیال رہے کہ اس سے قبل ایک غیرملکی میڈیا کی رپورٹ کے مطابق  آرمی چیف  جنرل قمر جاوید باجوہ نے امریکی  ڈپٹی سیکریٹری وینڈی شرمن سے فون پر بات چیت کی تھی۔

رپورٹ میں کہا گیا ہے کہ  آرمی چیف  نے وینڈی شرمن سے آئی ایم ایف کےقرض پروگرام کا عمل  تیز کرنے کی درخواست  کی۔

انہوں نے کہا  آئی ایم ایف کا1.2 ارب ڈالر قرضے کا عمل تیز کیا جائے ۔ وائٹ ہاؤس  آئی ایم ایف پر1.2 ارب ڈالر کی فراہمی کے لیے آئی ایم ایف پر دباؤ ڈالے۔

واضح رہے کہ   آئی ایم ایف نے پاکستان کو قرض پروگرام کے تحت  1.2   ارب ڈالر دینے کی منظوری دی تھی۔

آرمی چیف اس حوالے سے پہلے بھی  خلیجی اور برادراسلامی ممالک سے رابطے کرچکے ہیں۔

جنرل قمر جاوید باجوہ نے  سعودی عرب،یواےای  اور چین  سمیت  دیگر دوست ممالک سے بھی تعاون  کے لیے بات چیت کی تھی۔

سابق وزیر اعظم عمران خان کی حکومت میں آرمی چیف نیشنل اکنامک کونسل کے ممبر بھی رہے اور انہوں نے  ہمیشہ ملک اور عوام  کے مفادات کو سرفہرست رکھا۔