جنرل ندیم رضا سے ہنگری کی مسلح افواج کے سربراہ کی ملاقات، باہمی تعاون پر تبادلہ خیال

ویب ڈیسک

05th Aug, 2022. 08:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جنرل ندیم رضا سے ہنگری کی مسلح افواج کے سربراہ کی ملاقات، باہمی تعاون پر تبادلہ خیال

جنرل ندیم رضا نے ہنگری کی مسلح افواج کے سربراہ سے ملاقات کی جس میں باہمی و دفاعی تعاون اور فوجی وفود کے تبادلے پر اظہار خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق جنرل ندیم رضا سے پاکستان کے سرکاری دورے پر آئے ہوئے ہنگری کی ڈیفنس فورسز کے کمانڈر لیفٹیننٹ جنرل رومولس روسزین نے ملاقات کی۔

آئی ایس پی آر کے مطابق ملاقات میں دوطرفہ دفاعی تعاون کے امور بشمول سیکیورٹی، فوجی تبادلوں، تربیت اور موجودہ علاقائی ماحول پر تبادلہ خیال کیا گیا۔

ہنگری کی دفاعی افواج کے کمانڈر نے اس موقع پر کہا کہ ان باہمی مفید بات چیت سے دو طرفہ دفاعی تعلقات مزید گہرے ہوئے ہیں، تعاون کو تقویت ملی ہے اور دونوں افواج کے درمیان باہمی مفاہمت میں اضافہ ہوا ہے۔

چیئرمین جوائنٹ چیفس آف اسٹاف کمیٹی نے ہنگری اور پاکستان کے درمیان مضبوط اور دیرینہ دوطرفہ دفاعی تعلقات کا اعادہ کیا۔

قبل ازیں جوائنٹ اسٹاف ہیڈ کوارٹرز پہنچنے پر لیفٹیننٹ جنرل رومولس روسزین کو پاکستان کی مسلح افواج کے چاق و چوبند دستے نے گارڈ آف آنر پیش کیا۔