پاکستان ریلویز میں بھی 75ویں جشنِ آزادی کی تقریبات کا خصوصی اہتمام

ویب ڈیسک

14th Aug, 2022. 12:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ریلویز میں بھی 75ویں جشنِ آزادی کی تقریبات کا خصوصی اہتمام

پاکستان ریلویز میں بھی 75ویں جشنِ آزادی کی تقریبات کا خصوصی اہتمام کیا گیا ہے۔

تفصیلات کے مطابق پاکستان ریلویز میں بھی ملک بھر کی طرح 75ویں جشنِ آزادی کی تقریبات کا خصوصی اہتمام کیا گیاہے۔

جشنِ آزادی کی تقریبات کے سلسلے میں ہیڈکوارٹرز کے احاطے میں ایک پُروقار تقریب منعقد کی گئی جبکہ چیف ایگزیکٹوآفیسرپاکستان ریلویز فرخ تیمور غلزئی نے پرچم کشائی کی۔

محکمہ ریلوے کی ترقی و خوشحالی اور ملکی سلامتی کے لیے دُعا بھی کی گئی جبکہ سی ای او ریلویز فرخ تیمور غلزئی نے ہیڈکوارٹرز کے احاطے میں پام کا پودا بھی لگایا۔

تقریب میں ریلوے سکولز کے بچے اور بچیوں نے ملی نغمے، ترانے پیش کئے اور ریلوے کے پولیس بینڈ نے بھی اپنی مہارت کا مظاہرہ کرتے ہوئے مختلف دُھنیں پیش کیں۔

اسکے علاوہ سی ای او ریلویز نے ریلوے کیرن ہسپتال میں مریضوں کی عیادت اور ان میں مٹھائی تقسیم کی۔

14 اگست ۔۔۔۔۔۔ ملک بھر میں آزادی کا جشن

ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

یہ دن ہمیں قائداعظم محمد علی جناح ؒ کی ولولہ انگیزقیادت میں اپنے آباﺅ اجداد کی بے شمار قربانیوں کی یاد دلاتا ہے، یہ دن ہمیں کارکنانِ تحریک پاکستان کے نظریات پر قائم رہنے کے عزم کی تجدید اور ان کی جدوجہدکو خراج تحسین پیش کرنے کا موقع فراہم کرتا ہے۔

ماضی کے برعکس، یہ یوم آزادی غیر معمولی مشکل حالات میں منایا جا رہا ہے جب ساری دنیا کورونا وبا سے شدید متاثر ہوئی ہے، جس کے منفی اثرات زندگی کے تمام شعبوں بشمول معیشت، صحت اور تعلیم پر مرتب ہوئے ہیں۔ ان تمام صورتحال کے باوجود بھی ملک بھر میں جشن آزادی کے موقع پر چھوٹی بڑی ریلیوں کا اہتمام کیا گیا ہے۔