پاکستان بھر میں کورونا وباء کے باعث مزید 02 ہلاکتیں واقع ہوئیں ہیں جبکہ مثبت کیسز کی شرح 2.51 ریکارڈ کی گئی ہے۔

 اس حوالے سے قومی ادارہ برائے صحت کی جانب سے یومیہ اعداد و شمار جاری کیے گئے ہیں جس کے مطابق گزشتہ 24 گھنٹوں کے دوران ملک میں کورونا کے 449 نئے  کیسز رپورٹ ہوئے ہیں۔

COVID-19 Statistics 20 August 2022
Total Tests in Last 24 Hours: 17,872

Advertisement

Positive Cases: 449
Positivity %: 2.51%
Deaths: 02
Patients on Critical Care: 158

— NIH Pakistan (@NIH_Pakistan) August 20, 2022

رپورٹ میں بتایا گیا ہے کہ گزشتہ 24 گھنٹے میں کورونا کے باعث 02 افراد ہلاک ہوئے ہیں جبکہ  158 مریضوں کی حالت تشویش ناک ہے۔

اسکے علاوہ گزشتہ 24 گھنٹوں میں 17 ہزار 872 کورونا ٹیسٹ کیے گئے ہیں جبکہ کورونا کے مثبت کیسز کی شرح 2.51 فیصد ریکارڈ کی گئی ہے۔

کراچی میں کورونا کیسز:

شہر کراچی میں گزشتہ چوبیس گھنٹوں میں 75 نئے کیسز رپورٹ ہوئے ہیں جبکہ اس دوران ایک بھی شخص کا انتقال نہیں ہوا ہے۔

شہر بھر میں 42 مریض تشویشناک حالت میں مختلف اسپتالوں میں زیر علاج ہیں جبکہ 7مریض اس وقت وینٹیلیٹر پر زیر علاج ہیں۔

خیال رہے کہ ماہ جولائی میں سندھ میں 73 افراد کورونا کے سبب جان کی بازی ہار چکے ہیں جبکہ ماہ اگست میں آج تک 37 افراد جان کی بازی ہار چکے ہیں۔

اسکے علاوہ کراچی میں کورونا کیسز کی ہفتہ وار شرح 1.48فیصد رپورٹ ہوئے ہیں جبکہ مجموعی طور پر سندھ بھر میں کورونا کی ہفتہ وار شرح 1.41 فیصد رپورٹ ہوئے ہیں۔