وفاقی وزیر مصدق ملک نے چیئرمین پی ٹی آئی عمران خان سے سوال کیا ہے کہ کیا ملک کے تمام ادارے سازشی ہیں؟
تفصیلات کے مطابق پریس کانفرنس کرتے ہوئے وفاقی وزیر مملکت برائے پیٹرولیم ڈاکٹر مصدق ملک نے بتایا کہ آج قومی ترانہ ریکارڈ کرنے کی ایک تقریب میں تھا، ترانے میں وطن عزیز کی سلامتی کے لیے اللہ تعالیٰ پر یقین کا اظہار کیا گیا، یہ یقین ایسے ہی نہیں،ان شااللہ پاکستان قائم و دائم رہے گا۔
مصدق ملک نے کہا کہ عمران خان صاحب نے بھی ملک کی 75 ویں سالگرہ پر پیغام دیا ہے جس کے لئے میں سمجھ رہا تھا کہ عمران خان کوئی ملک کے مفاد میں بات کریں گے لیکن خان صاحب نے اس بار بھی سازش کا ذکر کیا ہے۔
انہوں نے عمران خان کو مخاطب کرتے ہوئے کہا کہ آپ تو نیوٹرل امپائر کو تسلیم کرتے تھے پھر جب آج وہ نیوٹرل ہوئے تو کیوں ناراض ہورہے ہیں۔
اس موقع پر انہوں نے سوال کیا کہ ملک کے تمام ادارے کیا سازشی ہیں؟ اور صرف عارف نقوی صاحب محب وطن ہیں؟
مصدق ملک نے کہا کہ عارف نقوی چوری چکاری میں دنیا میں نمایاں مقام رکھتا ہے، جب یہ کے الیکٹرک کا مالک تھا تو خان صاحب نے اسے نواز تھا اور انہیں 3 ارب ر روپے معاف کردیئے تھے۔
انہوں نے بتایا کہ ملک میں بجلی کے کوٹے کو غلط استعمال کیا اور عارف نقوی کو فائدہ پہنچایا گیا تھا تا کیا وہ چوری نہیں تھی؟
انہوں نے مزید کہا کہ عمران خان کے چیف آف اسٹاف نے بھی پاک فوج کے خلاف زبان درازی کی لیکن عمران خان نے آج بھی شہباز گل کے بیان کی تردید نہیں کی، وہ ایسے بیانات کی سپورٹ کر رہے ہیں۔
وفاقی وزیر کا کہنا تھا کہ جس کی بھی گرفتاری ہوئی وہ آئین کے مطابق ہے، کسی کی منشاء پر گرفتار نہیں کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News