وزیراعلیٰ خیبرپختونخوا کے معاون خصوصی اطلاعات و تعلقات عامہ بیرسٹر محمد علی سیف نے کہا ہے کہ وفاقی حکومت کو اب آڈیو لیک کا جواب دیا جائے گا۔

بیرسٹرسیف نے پشاور میں نیوز کانفرنس کرتے ہوئے کہا کہ وزیراعظم کی گزشتہ روز کی آڈیو لیک نے ایک نیا تنازعہ کھڑا کردیا ہے۔

انہوں نے کہا کہ وفاقی حکومت کو اب آڈیو لیک کا جواب دیا جائے گا، واردات کا جب وقت آئے گا، تو تب ہوگی لیکن بہت خوب ہوگی۔

‘تحریک انصاف کی موجود حکومت کیخلاف تحریک جاری رہے گی’

معاون خصوصی برائے اطلاعات کا کہنا ہے کہ عمران خان کل پشاور آرہے ہیں، جو تین مختلف تقاریب سے خطاب کرینگے، تاجروں، علماء ونگ اورآئی ایس ایف یوتھ ونگ سے عمران خان خطاب کرینگے۔

بیرسٹرسیف نے مزید کہا کہ تحریک انصاف اور عمران خان کسی کے اعشارے پر نہیں چلتی، پاکستان تحریک انصاف کی موجود حکومت کے خلاف تحریک جاری رہے گی۔

عمران خان کا دورہ لاہور، اہم ملاقاتیں اور مختلف تقریبات میں خطاب شیڈول

چیئرمین پی ٹی آئی عمران خان آج لاہور میں مصروف دن گزاریں گے جس دوران اہم ملاقاتیں اور مختلف تقریبات میں خطاب شیڈول کیے گئے ہیں۔

تفصیلات کے مطابق چیئرمین پاکستان تحریک انصاف عمران خان آج لاہور کا ایک روزہ دورہ کریں گے ۔

گورنمنٹ کالج یونیورسٹی لاہور میں پنجاب انفارمیشن ٹیکنالوجی بورڈ اور ہائر ایجوکیشن ڈیپارٹمنٹ کے تعاون سے تقریب کا انعقاد ہو گا جہاں چئیرمین تحریک انصاف عمران خان دن 11 بجے بطور مہمانِ خصوصی تقریب میں شرکت اور خصوصی خطاب کریں گے۔

اس موقع پر “تعلیم اور ہنر ساتھ ساتھ” پروگرام میں پی آئی ٹی بی کی جانب سے طلبہ و طالبات کو مختلف سکلز کی ٹریننگ دی جائیں گی اور دوران تعلیم ٹیکنالوجی میں مہارت حاصل کرنے کی ٹریننگز حاصل کر کے طلبا و طالبات کو روزگار کے مواقع مل سکیں گے۔

اس کے بعد چیئرمین تحریک انصاف الحمرا ہال میں تاجروں کے ایک اجتماع سے خطاب کریں گے جبکہ شام میں چیئرمین تحریک انصاف مقامی ہوٹل میں علماء و مشائخ کانفرنس سے خطاب کریں گے۔