کراچی کے شہریوں سے اوور بلنگ  اور ایک دن کی ادائیگی کی تاخیر پر بجلی کاٹنے والا کے الیکٹرک خود بھی  ایس ایس جی سی کا اربوں روپے کا نادہندہ ہے۔

ترجمان  سوئی سدرن گیس کمپنی (ایس ایس جی سی) کے مطابق کے الیکٹرک نے ایس ایس جی سی کو 177 ارب روپے ادا کرنے ہیں ۔

سب سے پہلے یہ واضح کرنا ضروری ہے کہ سوئی سدرن گیس کا کے-الیکٹرک ساتھ موجودہ گیس سیلز ایگریمنٹ (جی ایس اے) صرف 10 ایم ایم سی ایف ڈی گیس کے لیے ہے، جس پر 1978 میں دستخط کیے گئے تھے۔ اس معاہدے کے تناظر میں ادارہ کے-الیکٹرک کو اس سے زیادہ گیس فراہم کرنے کا پابند نہیں ہے۔

— Salman A. Siddiqui (@SSGC_OSP) September 24, 2022

ترجمان ایس ایس جی سی کا کہنا ہے  کہ کے الیکٹرک پر قدرتی گیس کے بلوں کے واجبات 153 ارب  جبکہ  آر ایل این جی پر 24.54 ارب  روپے ہیں۔

یہاں یہ جان لینا بھی ضروری ہے کہ گزشتہ تین سالوں کے دوران سوئی سدرن کو قدرتی گیس کی دستیابی میں 26 سے 27 فیصد تک کمی واقع ہوئی ہے جب کہ گھریلو صارفین کی تعداد میں خاطر خواہ اضافہ ہؤا ہے۔

— Salman A. Siddiqui (@SSGC_OSP) September 24, 2022

ترجمان ایس ایس جی سی کا مزید کہنا ہے کہ  کے الیکٹرک پر اربوں روپے واجب الادا  ہیں ،تاہم 22 ستمبر تک صرف 53 کروڑ کی ادائیگی کی گئی  ہے۔ ادائیگیوں میں ڈیفالٹ کے باوجود کے الیکٹرک کو گیس فراہم کی گئی ہے ۔

دوسری طرف کے-الیکٹرک نے سوئی سدرن کو واجبہ ادا خطیر رقم پر اپنی نادہندگی کو چھپانے کے مضموم مقاصد کے تحت، سوئی سدرن کے خلاف تمام حقائق کو شامل کیے بغیر اسے گیس کی فراہمی میں کمی کرنے پر توہین عدالت کی درخواست دائر کر دی۔

— Salman A. Siddiqui (@SSGC_OSP) September 24, 2022

ترجمان کا کہنا ہے کہ  سوئی سدرن گیس کا کے الیکٹرک  کے ساتھ موجودہ گیس سیلز ایگریمنٹ صرف 10 ایم ایم سی ایف ڈی گیس کا ہے۔1978  کے معاہدے کے تحت  کے الیکٹرک کو اس سے زیادہ گیس فراہم کرنے  کے پابند نہیں ہیں۔

کے-الیکٹرک نے سوئی سدرن کے جواب پر عدالت میں اپنا جواب جمع کرایا اور عدالت نے سماعت دو ہفتوں کے لیے ملتوی کر دی۔SSGC

— Salman A. Siddiqui (@SSGC_OSP) September 24, 2022

ترجمان ایس ایس جی سی کے مطابق  گزشتہ تین سالوں کے دوران قدرتی گیس کی فراہمی میں 26 سے 27 فیصد تک کمی واقع ہوئی ہے جبکہ   گھریلو صارفین کی تعداد میں کافی اضافہ ہوا ہے۔

Advertisement

ایک پاور یوٹیلیٹی کے طور پر KE کی ذمہ داریوں کو مدنظر رکھتے ہوئے، SSGC کراچی کے شہریوں کی سہولت اور مفاد میں بہترین کوششوں کی بنیاد پر KE کو گیس/ آر ایل این جی فراہم کرنے کی کوشش کر رہا ہے

— Salman A. Siddiqui (@SSGC_OSP) September 24, 2022

ایس ایس جی سی ترجمان کا کہنا ہے کہ  کے الیکٹرک نے واجب الادا  اربوں روپے کی نادہندگی سے بچنے کے لیے توہین عدالت کی درخواست دائر کر دی ہے۔ کے الیکٹرک نے سوئی سدرن کے جواب پر عدالت میں جواب جمع کرادیا اور عدالت نے سماعت دو ہفتوں کے لیے ملتوی کر دی۔

اپریل 2018 میں CCOE کی واضح ہدایات کے باوجود اب تک KE نے فراہم کی جانے والی گیس کے حجم کے مطابق GSA پر دستخط نہیں کیے۔ یہ باعثِ تشویش ہے کہ RLNG ایک درآمدی گیس ہے اور اسکی ادائیگیوں میں تاخیر LNG کی بین الاقوامی سپلائی چین میں رکاوٹ پیدا کرتا ہے جس سے ملک کی ساکھ متاثر ہوتی ہے

Advertisement

— Salman A. Siddiqui (@SSGC_OSP) September 24, 2022

ترجمان ایس ایس جی سی کا کہنا ہے کہ  مئی 2022 کے بعد سے ماہانہ بلوں کی عدم دائیگیوں کے باوجود  گیس منقطع نہیں کی ہے۔