پاکستان تحریک انصاف کے لانگ مارچ کی کال کے بعد سندھ پولیس کے افسران و اہلکار سیکیورٹی کے لئے اسلام آباد روانہ کردیئے گئے ہیں۔
تفصیلات کے مطابق ترجمان سندھ پولیس نے بتایا ہے کہ لانگ مارچ کے لیے 2000 دو ہزار فورس اسلام آباد بھیجی گئی ہے۔
ترجمان نے بتایا ہے کہ رزاق آباد پولیس ٹریننگ سینٹر سے 900 ریکروٹس اور ٹرینگ اسٹاف کو بذریعہ ٹرین اسلام آباد روانہ کیا گیا ہے۔
ترجمان نے بتایا ہے کہ وفاقی حکومت کی درخواست پر اب تک مجموعی طور پر دو ہزار افسران و اہلکار سندھ سے اسلام آباد سیکیورٹی کے لیے روانہ کیے گئے ہیں۔
اسلام آباد روانہ کی گٸی پولیس فورس میں ایک ایس ایس پی، دو ایس پیز، چار ڈی ایس پیز، 20 سب انسپکٹرز شامل ہیں۔
خیال رہے کہ وفاق کی جانب سے سندھ پولیس سے چھے 6 ہزار جوانوں کی سیکیورٹی مانگی گئی تھی جس پر سندھ پولیس نے بتایا ہے کہ دو ہزار سے زائد جوان نہیں بھیجے جاسکیں گے۔
سندھ پولیس حکام نے اپنا مؤقف پیش کرتے ہوئے کہا ہے کہ سیلاب زدگان کی بحالی اور کراچی میں سیکیورٹی کے لیے پولیس کی اضافی نفری تعینات ہے۔
واضح رہے کہ پاکستان تحریک انصاف کے چیئرمین عمران خان نے جمعہ کو لاہور سے اسلام آباد تک لانگ مارچ شروع کرنے کا اعلان کیا تھا۔
انہوں نے مزید کہا کہ لانگ مارچ کے اختتام کے لیے کوئی ٹائم فریم نہیں ہے۔ “یہ سیاست سے بالاتر ہے کیونکہ ہم حقیقی آزادی کی جنگ لڑ رہے ہیں۔ ہم اسلام آباد کے ریڈ زون میں داخل ہوں گے اور قانون کی پاسداری کریں گے۔
وفاقی حکومت نے مارچ کرنے والوں کو روکنے کے لیے صوبوں سے اضافی پولیس اور ایف سی اور رینجرز کی تعیناتی مانگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News