پی ٹی آئی فارن فنڈنگ کیس کی تحقیقات کے معاملے پر حامد زمان کا جسمانی ریمانڈ منظور کرلیا گیا ہے۔

تفصیلات کے مطابق تحریک انصاف فارن فنڈنگ کیس کی تحقیقات کے معاملے میں ایف آئی اے نے پی ٹی آئی کے حامد زمان کو ضلع کچہری میں جوڈیشل مجسٹریٹ غلام مرتضیٰ ورک کی عدالت  میں آج پیش  کیاگیا۔

کارروائی کے آغاز پر ایف آئی اے کی جانب سے ملزم کے 14 روزہ جسمانی ریمانڈ کی استدعا کردی جبکہحامد زمان کے وکیل خواجہ حارث کی جسمانی ریمانڈ کی مخالفت  کی۔

ایف آئی اے نے مؤقف پیش کیا کہ الیکشن کمیشن کی جانب سے ممنوعہ فنڈنگ کیس کی انکوائری کی گئی ہے، امریکہ سے بینک اکاؤنٹس کو چلایا جا رہا ہے اور تقریباً 6 کروڑ کی رقم کو لایا گیا ہے۔

ایف آئی اے نے بتایا کہٹرسٹ کی جانب سے جو کام ہونا چاہیے تھا وہ نہیں ہوا اور جو بھی رقم منگوائی گئی اسکو اپنے سیاسی مقاصد کے لیے استعمال کیا گیا،غیر قانونی طور پر پیسے منگوائے گئے۔

اس موقع پر حامد زمان کے وکیل کا کہنا تھا کہ ایف آئی اے کی جانب سے تحقیقات کے لیے ایک مرتبہ بھی طلبی کا نوٹس نہیں بھیجا گیا جس پر جج نے وکیل ملزم سے استفسار کیا کہ ایف آئی اے کے سوال نامہ کاجواب ہے آپ کے پاس ؟

اس موقع پر وکیل نے بتایا کہتمام جوابات تحریری طور پر جمع کروائے دیے ہیں جبکہ انکوائری کا دائرہ اختیار ایف آئی اے کو ہے ہی نہیں اور ایف آئی آر میں لگائے گئے الزام مکمل طور پر بے بنیاد ہیں۔

وکیل کا کہنا تھا کہ جس کو بہانہ بنا کر گرفتار کر کیا وہ اس مقدمے میں ہے نہیں اور جس ٹرسٹ کا ذکر ایف آئی آر میں کیا گیا ہے وہ 2012ء میں بنائی گئی۔

وکیل نے کہا کہ کہتے ہیں پیسے سیاست کیلئے استعمال کئے اس کا ایف آئی اے کے پاس کوئی ثبوت نہیں، ہمارا کلچر بن گیا کیس بنانا ہے اور پکڑنا ہے جبکہ ہمارے پاس ٹرسٹ کےپیسوں کی تفصیلات موجود ہیں اور پیسے کہاں جمع ہوئے کہاں خرچ ہوئے تمام تفصیلات ہیں،اگر ایف آئی اے کے پاس کچھ ہیں تو دے دیں۔

اس موقع پر عدالت کا کہنا تھا کہ آپ کے بقول جو پیسے آئے وہ ٹرسٹ سے دو کمپنوں میں چلے گئے ۔

وکیل حامد زمان نے بتایا کہ ہم نے بینک اکاؤنٹ کی تفصیلات دی ہیں جس کے بعد عدالت نے ایس آئی اے کا سوالنامہ طلب کرلیا۔

بعدازاں عدالت نے حامد زمان کے جسمانی ریمانڈ سے متعلق فیصلہ محفوظ کرلیا جبکہ کچھ دیر بعد فیصلہ سنادیا گیا۔

محفوظ فیصلہ سناتے ہوئے عدالت نے تحریک انصاف کے بانی رکن حامد زمان کو دوروزہ جسمانی ریمانڈ پر ایف آئی اے کے حوالے کر دیا  اور ساتھ ہیایف آئی اے کو حامد زمان کو سوموار کو دوبارہ پیش کرنے کا حکم دے دیا ۔