کراچی میں نجی کمپنی کے ملازمین کو قتل کرنے کے معاملے کی ایف آئی آر درج کرلی گئی ہے جبکہ ذمہ داران کی تلاش میں رینجرز اور پولیس کا سرچ آپریشن جاری ہے۔
تفصیلات کے مطابق گزشتہ روز کراچی کے علاقے مچھر کالونی میں دو ٹیلی کام ورکرز کو بے رحمی سے قتل کرنے کا واقعہ پیش آیا تھا ۔
پولیس کی جانب سے واقعہ کا مقدمہ درج کرلیا گیا ہے جو کہ مقتول اسحاق کے چچا کی مدعیت میں قتل، دہشت گردی سمیت دیگر دفعات کے تحت درج کیا گیا ہے۔
پولیس کے مطابق مقدمہ میں 15 ملزمان کو نامزد کیا گیا جبکہ نامزد ملزمان میں محمد حسین ، عثمان ، مالک ، رحمت ، مصطفیٰ، رشید بنگالی ، عبدالغفور ، نور افسر ،ربیع السلام ، محمد فاروق ، فیصل ، عرفان ، شہزاد ، رزاق عرف کالو اور ایم رفیق شامل ہیں جبکہمقدمے میں 200 سے 250 نامعلوم افراد کو بھی شامل کیا گیا ہے۔
مقدمے کے متن کے مطابق اسحاق اپنے انجینیئر ایمن جاوید کے ساتھ سگنل ٹیسٹنگ کے لیے مچھر کالونی آیا تھا جبکہ دونوں افراد کو 200 سے 250 افراد نے پتھروں ڈنڈوں، بلاکوں سے تشدد کرکے قتل کیا مقتولین کے زیر استعمال گاڑی کو توڑ پھوڑ کرکے مشتعل افراد نے آگ لگادی تھی۔
دوسری جانب ایس ایس پی کیماڑی کے مطابق پولیس اور رینجرز کی جانب سے رات بھر مچھر کالونی اور اطرف میں سرچ آپریشن کے دوران 34 مشکوک افراد کو حراست میں لیکر تھانے منتقل کیا گیا ہے۔
زیر حراست مشکوک افراد میں سے مزید 3 ملزمان کی شناخت کرلی گئی ہے جبکہ واقعے میں ملوث گرفتار ملزمان کی تعداد 6 چھے ہوگئی ہے، مزید کی بھی تلاش جاری ہے۔
خیال رہے کہ واقعے کے بعد پولیس نے فوری کارروائی کرتے ہوئے 16 مشکوک افرادکو حراست میں لیا تھا تاہم زیرحراست افراد میں سے مسجد کے مہتمم سمیت 3 ملزمان کو گزشتہ روز ہی گرفتار کرلیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News