سابق وزیر داخلہ شیخ رشید نے کہا ہے کہ الیکشن کمیشن کی نااہلی کا فیصلہ ہائیکورٹ کی ایک پیشی کی مار ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں سابق وزیر داخلہ شیخ رشید نے لکھا کہ گرے لسٹ سے نکلنے کا کریڈٹ عمران خان کی حکومت اور سارے اداروں کوجاتا ہے۔

آرمی چیف کاازخود ایکسٹنیشن نہ لینےکا فیصلہ خوش آئند ہےگرے لسٹ سے نکلنے کاکریڈٹ عمران خان کی حکومت اور سارےاداروں کوجاتا ہے۔الیکشن کمیشن کی نااہلی کافیصلہ ہائیکورٹ سپریم کورٹ کی ایک پیشی کی مارہے یہ مبہم ہے سقم ہےاور غیرآئینی ہے۔جیلوں سے بھاگنے والے عمران کو جیل میں ڈالناچاہتےہیں

Advertisement

— Sheikh Rashid Ahmed (@ShkhRasheed) October 22, 2022

جاری کردہ ٹوئٹ میں شیخ رشید لکھتے ہیں کہ آرمی چیف کا ازخود ایکسٹنیشن نہ لینے کا فیصلہ خوش آئند ہے۔

انہوں نے کہا کہ الیکشن کمیشن کی نااہلی کا فیصلہ ہائیکورٹ سپریم کورٹ کی ایک پیشی کی مار ہے یہ مبہم ہے سقم ہے اور غیرآئینی ہے۔

 شیخ رشید کا مزید کہنا تھا کہ جیلوں سے بھاگنے والے عمران کو جیل میں ڈالنا چاہتےہیں۔

دوسری جانب پریس کانفرنس کرتے ہوئے شیخ رشید کا کہنا تھا کہ اللہ کے بعد ہائیکورٹ، اور سپریم کورٹ ہی ملکی خزانہ لوٹنے والون کو روک سکتے ہیں۔

انہوں نے کہا کہ میری پوزيشن وہی عمران خان کے ساتھ  چٹان کی طرح کھڑا ہوں۔

شیخ رشید کا کہنا تھا کہ مقبول ترین لیڈر کو نااہل کرنے والے بیوقوف لیڈر ہیں کیونکہ عمران اور نواز شریف کی نااہلی میں زمین آسمان کا فرق ہے ۔