پنجاب کابینہ کے اجلاس کی اندرونی کہانی سامنے آگئی

عباس حیدر

06th Oct, 2022. 11:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب کابینہ کے اجلاس کی اندرونی کہانی سامنے آگئی

پاکستان تحریک انصاف کے چیئرمین عمران خان کی زیرصدارت پنجاب کابینہ کے وزراء اجلاس کی اندرونی کہانی سامنے آگئی ہے۔

تفصیلات کے مطابق اجلاس میں پنجاب کابینہ نے سوشل میڈیا کے نوجوانوں کی گرفتاری میں پولیس کی ایف آئی اے کی معاونت پر شدید ردعمل دیا۔

پنجاب کابینہ نے آئی جی پنجاب پولیس سے پولیس معاونت پر وضاحت طلب کرنے کا فیصلہ کیا۔

ذرائع کے مطابق رات گئے حکومت پنجاب نے کابینہ ارکان کے فیصلے کی روشنی میں وضاحتی لیٹر لکھ دیا۔

پنجاب کابینہ کا کہنا تھا کہ آئی جی پنجاب پولیس اس بات کی تحقیق کریں کہ ایف آئی اے نے کیا ایکشن کی اجازت لی، پنجاب پولیس نے ایف آئی اے کے ساتھ بلا اجازت کیسے گرفتاری اور غیرقانونی کام میں معاونت کی۔

یہ بھی پڑھیں: کال ایک ہفتے کے بعد کسی بھی وقت آ سکتی ہے، عمران خان

پنجاب کابینہ نے کہا کہ ایلیٹ فورس کی گاڑیاں کس طرح اس غیر قانونی آپریشن میں بلااجازت استمعال ہوئیں۔ پولیس کا کوئی ماورائے آئین و قانون ایکشن قابل قبول نہیں۔

دوران اجلاس عمران خان کی ہدایت پر پنجاب کابینہ کی جانب سے آئی جی پنجاب سے وضاحت طلب کرنے کا فیصلہ کیا گیا۔

اجلاس میں کابینہ ارکان نے فیصلہ کیا کہ پولیس وفاقی ادارے کے کسی غیر آئینی غیر قانونی ایکشن میں ساتھ نہ دے۔

واضح رہے کہ گزشتہ روز عمران خان کی زیر صدارت ہونے والے اجلاس میں سوشل میڈیا کے نوجوانوں کی گرفتاری اورپولیس کے کردار کا تفصیلی جائزہ لیا گیا۔

عمران خان کی پنجاب کابینہ ارکان کو لانگ مارچ کیلئے تیار رہنے کی ہدایت

دوسری جانب پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے پنجاب کابینہ کے ارکان سے ملاقات کے دوران انہیں لانگ مارچ کے لیے تیار رہنے کی ہدایت کردی۔

پنجاب کابینہ کے ارکان سے گفتگو کرتے ہوئے عمران خان نے کہا کہ لانگ مارچ کے لیے تیار رہیں، عوام کو متحرک کرنے کے لیے رابطے تیز کر دیں، آنے والے دن بہت اہم ہیں۔

عمران خان نے مزید کہا کہ کابینہ میڈیا اور عوام کے محاذ پر کرپٹ ٹولے کو بے نقاب کرے۔