وفاقی وزیر توانائی سے پاکستان میں چینی سفیر کی ملاقات

ویب ڈیسک

19th Oct, 2022. 09:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی وزیر توانائی سے پاکستان میں چینی سفیر کی ملاقات

وفاقی وزیر بجلی خرم دستگیر خان سے پاکستان میں چینی سفیر نونگ رونگ کی ملاقات ہوئی ہے۔

ملاقات میں خرم دستگیر نے پاکستان کے ساتھ توانائی کے شعبے میں چین کی مسلسل شمولیت کو سراہا ہے۔

خرم دستگیر نے کہا کہ سی پیک کے تحت چینی منصوبے پاکستان کی توانائی کی بڑھتی ضروریات کے لیے انتہائی اہم ہیں جبکہ حکومت پاکستان معاہدوں کی پاسداری اورسی پیک منصوبوں کو تیز کرنے کے لیے بھی پرعزم ہے۔

انہوں نے کہا کہ پاکستان کا مستقبل کا توانائی کا منظر نامہ مقامی اور قابل تجدید ذرائع کے گرد گھومے گا جبکہ تھر کول منصوبہ بھی پاکستان کی مستقبل کی توانائی کی ضروریات کے لیے انتہائی اہمیت کا حامل ہے۔

وفاقی وزیر توانائی خرم دستگیر نے مزید کہا کہ پاکستان چینی دوستوں کا شکر گزار ہے۔

اس موقع پر پاکستان میں چین کے سفیر نونگ رونگ نے سی پیک کے حوالے سے موجودہ حکومت کے عزم کی تعریف بھی کی اور کہا کہ وزیر اعظم شہباز شریف کا آئندہ دورہ بہت کامیاب ہو گا۔