کراچی میں آج بھی موسم گرم رہنے کی پیش گوئی کی گئی ہے۔
محکمہ موسمیات کا کہنا ہے کہ شہر میں آج موسم گرم اور خشک رہے گا جبکہ اس دوران کم سے کم درجہ حرارت 23 ڈگری سینٹی گریڈ اور زیادہ سے زیادہ درجہ حرارت 38ڈگری سینٹی گریڈ ریکارڈ ہونے کا امکان ہے۔
محکمہ موسمیات نے بتایا کہ اس وقت شہر میں ہلکی دھند چھائی ہوئی ہے جس کے پیش نظر شہر کے مضافاتی علاقوں میں حد نگاہ متاثر ہورہی ہے۔
محکمہ موسمیات کا کہنا ہے کہ آج مطلع صاف رہے گا البتہ بارش کا کوئی امکان نہیں ہے جبکہ اس دوران ہوا میں نمی کا تناسب زیادہ ہونے سے صبح کے اوقات میں دھند کا امکان ہے۔
گرمی سے خود کو محفوظ بنائیں
گرمی سے خود کو محفوظ بنائیں کے لیے خاص طور پر نمک کی کمی کو پورا کرنے کے لیے لیموں کی سکنجبین کا استعمال زیادہ کریں اور اس میں نمک ڈال کر پینا شروع کر دیں، نارنجی کا جوس بھی جسم کو ڈی ہائیڈریٹ ہونے سے بچاتا ہے۔
اس کے ساتھ ہی ہلکے رنگ کے کپڑے پہنیں کیونکہ گہرا رنگ سورج کی دھوپ کو اپنے اندر جلدی جذب کرتا ہے اور ایسا کپڑا جلدی گرم ہو جاتا ہے اور دھوپ میں نکلنے سے پہلے اپنے سر کو سفید یا ہلکے رنگ کے کپڑے سے ضرور ڈھانپ لیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News