دھند اور تیزرفتاری کے باعث گجرات میں المناک ٹریفک حادثہ پیش آیا ہے جس میں  5 افراد موقع پر جاں بحق ہوگئے۔

تفصیلات کے مطابق گجرات میں جی ٹی روڈ پر سبزی منڈی کے قریب سرویس روڈ پر ٹرک بے قابو ہو کر موٹر سائیکل رکشہ کو کچلنے سے 5 افراد جاں بحق ہو گئے۔

ریسکیو 1122 کے اہلکاروں نے نعشوں کو عزیز بھٹی شاہین ٹیچنگ اسپتال منتقل کر دیا گیا ہے جبکہ ڈرائیور ٹرک چھوڑ کر فرار ہوگیا۔

جاں بحق ہونے والوں میں 5 افراد کا تعلق گجرات کے مختلف علاقہ جات سے ہے۔

یہ بھی پڑھیں: لاہور میں شدید دھند کے باعث فلائٹ آپریشن متاثر

ھند کے موسم میں ٹریفک حادثات کی روک تھام کیلئے خصوصی اقدامات

آئی جی پنجاب نے دھند کے موسم میں ٹریفک حادثات کی روک تھام کیلئے خصوصی اقدامات کرنے کی ہدایات جاری کرتے ہوئے ایڈیشنل آئی جی پی ایچ پی ، ڈی آئی جی ٹریفک سمیت تمام ضلعی ٹریفک سربراہان کو شاہرات پر اضافی ٹیموں کی تعیناتی کا حکم دیا ہے۔

ترجمان پنجاب پولیس کا کہنا ہے کہصوبے کی تمام شاہرات، ہائی ویز پر ٹریفک قوانین سمیت فوگ لائٹس کی تنصیب ، حد رفتار کی پابندی سمیت ٹریفک قوانین پر سختی سے عمل درآمد کروایا جائے۔

ترجمان نے بتایا کہجس گاڑی کی تمام لائٹس اور اشارے کام نہ کر رہی ہو اسے شاہراہ پر آنے کی اجازت نہیں ہوگی اور اوور اسپیڈنگ اور اوور لوڈنگ پر زیرو ٹالرینس کے تحت سخت قانونی کاروائی عمل میں لائی جائے گی

یہ بھی پڑھیں: ملک کے بالائی علاقوں میں رواں ہفتے کے دوران دھند پڑنے کی پیشگوئی، پی ڈی ایم اے نے الرٹ جاری کر دیا

اسکے علاوہ گنے کی ٹرالیوں پر بیک لائٹس اور ریفلیکٹرز لازمی نصب ہوں۔

ترجمان کا کہنا تھا کہ تیز رفتاری اور اوور لوڈنگ پر سخت قانونی کارروائی ہوگی اور پنجاب ہائی وے پٹرول کی ٹیمیں دھند کے موسم میں حادثات میں انسانی جانوں کے تحفظ کیلئے مزید تندہی سے فرائض ادا کریں۔

حادثات سے بچاؤ کے لیے متعلقہ محکموں کے ساتھ مل کر آگاہی مہم میں تیزی لائی جائے۔