وزیراعلیٰ گلگت بلتستان خالد خورشید نے کہا ہے کہ حکومت بچوں کو اعلیٰ معیاری تعلیم فراہم کرنے پر توجہ دے رہی ہے۔

تفصیلات کے مطابق وفاقی و صوبائی حکام پر مشتمل اعلیٰ سطح وفد کے ہمراہ وزیراعلیٰ گلگت بلتستان خالد خورشید نے کیمبرج انٹرنیشنل کے گلوبل ہیڈکوارٹرز کا دو روزہ دورہ کیا ہے جبکہ اس اعلیٰ سطح دورے کی میزبانی کیمبرج انٹرنیشنل نے کی جس کا مقصد پاکستان میں شعبہ تعلیم کی موجودہ حالات اور تعلیم کے روڈ میپ کے حوالے سے ملک کے طول مدتی ویژن کا جائزہ لینا تھا۔

دورے کے موقع پر شعبہ تعلیم کے حالات اور حکومت کی تعلیمی اصلاحات  کے لئے منصوبہ بندی و اقدامات اور کرونا سمیت ماحولیاتی اور معاشی چیلنجز کے پیش نظر حکومتی ترجیحات کی نشاندہی اور ان پر تبادلہ خیال بھی کیا گیا۔

یہ بھی پڑھیں؛ حکومت گلگت بلتستان کی خواتین کی ترقی کیلئے کوشاں ہے، خالد خورشید

اس موقع پر گفتگو کرتے ہوئے وزیراعلیٰ گلگت بلتستان خالد خورشید نے کہا کہ حکومت گلگت بلتستان صوبے کے بچوں اور بچیوں کو اعلیٰ معیاری تعلیم کی فراہمی پر خصوصی توجہ دے رہی ہے کیونکہ ہم سمجھتے ہیں کہ ہمارے بچوں و بچیوں کے لئے دنیا بھر موجود وسیع تعلیمی مواقعوں  کے حوالے سے آگاہی حاصل کرنا انتہائی لازمی ہے۔

انہوں نے کہا کہ ہم پر اعتماد ہیں کہ  ہمارے بچوں و بچیوں کو  حصول تعلیم کے لئے ورلڈ کلاس  مواقع فراہم کرنے کے لئے کیمبرج انٹرنیشنل کیساتھ  کئے گئے حالی ایم او یو سے ہم گلگت بلتستان کے ایک بہترین تعلیمی مستقبل کا ویژن حاصل کرنے میں کامیاب ہونگے۔

وزیراعلیٰ گلگت بلتستان خالد خورشید نے مزید کہا کہ ہماری حکومت صوبے میں شعبہ تعلیم کے معیار کو بہتر بنانے اور جدید خطوط پر استوار کرنے کے لئے سنجیدہ کاوشیں کر رہی ہے جبکہ اس اہم ہدف کو حاصل کرنے کے لئے ہمیں کیمریج انٹرنیشنل سمیت دیگر تمام متعلقہ پارٹنرز کے تعاون کی بھی ضرورت ہے۔

یہ بھی پڑھیں؛ گلگت بلتستان حکومت سرمایہ کاروں کو بہتر مواقع فراہم کرنے کے لئے کوشاں ہے، خالد خورشید

وفد نے کیمبریج انٹرنیشنل کے وئر ہاؤس کا بھی معائنہ کیا جہاں وفد کے ممبران کو ادارے کا سٹیٹ آف آرٹ نظام دکھایا گیا، جس کے زریعے ہر سال لاکھوں بچوں اور بچیوں کو اعلیٰ معیاری تعلیمی سروسز فراہم کی جاتی ہیں۔

یہ بھی پڑھیں؛ حکومت بچیوں کی تعلیم کے فروغ کیلئے خصوصی اقدامات کررہی ہے، خالد خورشید

اعلیٰ سطح پاکستانی وفد میں وفاقی وزیر برائے تعلیم، سیکرٹری آی بی سی سی اور چیرمین فیڈرل بورڈ آف  انٹرمیڈیٹ اینڈ سیکنڈری ایجوکیشن بھی شامل تھے۔