سابق وفاقی وزیر شاہ محمود قریشی نے کہا ہے کہ حکومت کی جانب سے آئینی عہدے کو سیاسی مقاصد کےلیے استعمال کیا جا رہا ہے۔

اپنے ایک بیان میں پی ٹی آئی کے سینئر رہنما شاہ محمود قریشی کا کہنا تھا کہ  ملک میں دہشتگردی ایک بار پھر سر اٹھا رہی ہے، سرمایہ کاری نہیں ہورہی ہے جس کی وجہ سے کسان اور تاجر پریشان ہیں ۔

انہوں نے کہا کہ حکومت کی ترجیحات میں معیشت نہیں ہے اور ملک کو بنانا ری پبلک سے تشبیہ دی جارہی ہے جو افسوسناک ہے۔

انہوں نے مزید کہا کہ گورنر پنجاب نے اختیارات سے تجاوز کیا، اس کی مذمت کرتے ہیں۔

یہ بھی پڑھیں: ہوش کے ناخن لیں، قانونی اور آئینی فیصلے کریں، شاہ محمودقریشی

شبلی فراز: 

رہنما پی ٹی آئی شبلی فراز نے کہا ہے کہ 8 ماہ سے دیکھ رہےہیں روز تماشا لگایاجاتا ہے اور آج ایک گورنر منتخب لوگوں کو برطرف کررہا ہے، جو گورنر نے کیا وہ کسی ٹیک اوور سے کم نہیں تھا۔

انہوں نے کہا کہ یہ حکومت ملک کو کمزور کررہی ہے اور یہ لوگ عمران خان کے خوف سے اداروں کا مذاق بنارہے ہیں۔

انہوں نے مزید کہا کہ پنجاب میں دانستہ سیاسی بحران پیدا کیا گیا ہے اور اس طرح ملک کو سیاسی عدم استحکام کا شکارکرنا خطرناک ہے۔

شبلی فراز کا کہنا تھا کہ بیک ڈور یا براہ راست مذاکرات ہوتے رہتے ہیں لیکن ان تمام مسائل کا حل شفاف انتخابات ہیں۔

حماد اظہر:

سابق وفاقی وزیر اور رہنما پی ٹی آئی حماد اظہر نے کہا کہ کل رات گورنر نے پورا قانون ہی تبدیل کردیا ہے،آئین میں شق بھی تبدیل کرنی ہو تو دوتہائی اکثریت درکار ہوتی ہے۔

انہوں نے کہا کہپچھلے8ماہ میں معیشت کا جوحال ہوا کسی سےڈھکا چھپا نہیں ہے۔

یہ بھی پڑھیں: اگلے انتخابات میں پیپلز پارٹی کو کوئی پوچھنے والا نہیں، شاہ محمودقریشی