پاکستان تحریک انصاف (پی ٹی آئی) کے چیئرمین عمران خان کی جانب سے مسیحی برادری کو کرسمس کی مبارک باد پیش کی گئی ہے۔

سابق وزیراعظم عمران خان نے گزشتہ روز کرسمس کے موقع پر مسیحی برادری کیلئے نیک خواہشات کا اظہار کیا۔

Wishing all our Christian citizens a very happy Chrstmas.

— Imran Khan (@ImranKhanPTI) December 25, 2022

کرسمس کے حوالے سے زمان پارک میں تقریب کا انعقاد ہوا جس میں عمران خان نے کرسمس کا کیک بھی کاٹا۔

اس موقع پر ان کا کہنا تھا کہ کرسمس کے موقع پر مسیحی برادری کو مبارکباد پیش کرتا ہوں، ملک بھر میں مسیحی برادری کی فلاح و بہبود کے لئے کام کرنے کی ضرورت ہے۔

چیرمین تحریک انصاف عمران خان کی جانب سے کرسمس کے موقع پر مسیحی برادری کے لئے نیک خواہشات کا اظہار،کرسمس کے حوالے سے زمان پارک میں تقریب کا انعقاد،چیئرمین عمران خان نےکرسمس کیک بھی کاٹا،کرسمس کے موقع پر مسیحی برادری کو مبارکباد پیش کرتا ہوں۔ عمران خان
pic.twitter.com/u1llEkwUJG

— PTI (@PTIofficial) December 24, 2022

عمران خان نے کہا کہ مسیحی برادری کا پاکستان کی تعمیر و ترقی میں اہم حصہ ہے، اس کو قدر کی نگاہ سے دیکھتے ہیں۔

چیئرمین تحریک انصاف نے مزید کہا کہ قائد اعظم نے ملک میں اقلیتوں کے لئے برابر حقوق کی بات کی، تحریک انصاف اسی نظریے پر عمل پیرا ہے۔

مسیحی برادری آج کرسمس کا تہوار مذہبی جوش و خروش سے منا رہی ہے

واضح رہے کہ مسیحی برادری آج 25دسمبر (اتوار) کو کرسمس کا تہوار انتہائی مذہبی جوش و خروش کے ساتھ منا رہی ہے۔

دنیا بھر کی طرح پاکستان میں بھی مسیحی برادری آج 25دسمبر (اتوار) کو کرسمس کا تہوار انتہائی جوش و خروش مذہبی تزک و احتشام اور روایتی جذبے کے ساتھ منا رہی ہے۔

یہ بھی پڑھیں؛ کرسمس کی آمد سے قبل مسیحی برادری کو تنخواہوں کی ادائیگی کا فیصلہ جاری

کرسمس ٹریز کی تیاری کے ساتھ ساتھ تمام چرچز کو انتہائی خوبصورتی سے سجا دیا گیا ہے، کرسمس کی مناسبت سے گرجا گھروں میں خصوصی عبادات اور دعائیہ تقریبات کا انعقاد کیا جائے گا، جہاں مسیحی برادری کے افراد اپنی مذہبی تقریبات کی ادائیگی اور عبادات کریں گے۔