پنجاب حکومت کی ترجمان مسرت چیمہ نے کہا ہے کہ پیپلزپارٹی اور الیکشن کمیشن نے دھاندلی کے سارے ریکارڈ توڑے ہیں۔

سماجی رابطے کی ویب سائٹ پر اپنے ایک پیغام میں ترجمان وزیراعلیٰ و پنجاب حکومت مسرت جمشید چیمہ نے کہا ہے کہ سندھ کے چند اضلاع کے بلدیاتی الیکشن جہاں ٹرن آؤٹ 30 فیصد سے کم ہے وہاں بھی پوری رات گزرنے کے باوجود نتائج جاری نہیں کیے جا سکے۔

پیپلزپارٹی اور الیکشن کمیشن نے دھاندلی کے سارے ریکارڈ توڑے ہیں. عوام کے مینڈیٹ پر ایسے ڈاکے کی مثال نہیں ملتی. جن سے چند اضلاع کا الیکشن نہیں کروایا گیا وہ جنرل الیکشن میں کیا گند گھولیں گے.

2/2

Advertisement

— Musarrat Cheema (@MusarratCheema) January 16, 2023

انہوں نے کہا کہ اندرون سندھ کے اضلاع میں پہلے گھنٹے ہی پیپلز پارٹی کو جتوانے کی خبر چلوا دی گئی جبکہ کراچی کے نتائج ابھی تک نہیں آئے۔

ترجمان پنجاب حکومت کا کہنا تھا کہ پیپلزپارٹی اور الیکشن کمیشن نے دھاندلی کے سارے ریکارڈ توڑے ہیں، عوام کے مینڈیٹ پر ایسے ڈاکے کی مثال نہیں ملتی۔

مسرت جمشید چیمہ نے کہا کہ جن سے چند اضلاع کا الیکشن نہیں کروایا گیا وہ جنرل الیکشن میں کیا گند گھولیں گے۔

انہوں نے مزید کہا کہ سندھ میں پیپلز پارٹی کے دھاندلے کو کور کرنے کیلئے زرداری کا جیالا رات بھر جاگ کر ٹوئٹ پر ٹوئٹ کر کے بیانیہ بنا رہا ہے کہ سندھ میں صرف پیپلزپارٹی ہی نہیں بلکہ دیگر پارٹیوں نے بھی دھاندلی کی ہے حالانکہ یہ دھاندلا بلاول زرداری نے کیا ہے، اس کارکردگی پر الیکشن کمیشن کو شرم سے ڈوب مرنا چاہیے۔

نتائج میں تاخیر، پی ٹی آئی کارکنان کا ویسٹ آفس کے باہر دھرنا

دوسری جانب بلدیاتی الیکشن کے نتائج اب تک سست روی کا شکار ہیں جس کی وجہ سے پاکستان تحریک انصاف (پی ٹی آئی) کے کارکنان کا پارہ لبریز ہوگیا۔

 ڈی آر او ویسٹ آفس کے باہر تحریک انصاف کے کارکنان کی بڑی تعداد مختلف علاقوں سے ڈی سی ویسٹ کے دفتر کے باہر جمع ہوگئی ہے جبکہ ڈی آر او ویسٹ آفس کے باہر رینجرز اور پولیس کی بھاری نفری بھی تعینات ہے۔

یہ بھی پڑھیں: کراچی میں بلدیاتی انتخابات سے قبل دھاندلی کی ویڈیوز سامنے آگئیں

پولیس کی بھاری نفری نے پی ٹی آئی کارکنان کو ڈی سی آفس کے گیٹ پر روک لیا ہے جبکہ پی ٹی آئی کے کارکنان نے الزام لگایا ہے کہ پولیس زرداری قورس بنی ہوئی ہے۔

پولیس کی جانب سے ڈی آر او آفس میں میڈیا کو بھی داخل ہونے سے روکا جارہا ہے، پولیس حکام کا کہنا ہے کہ  میڈیا کو داخلہ دینے کے احکامات نہیں ملے ہیں، ڈی آر او ویسٹ آفس کے اندر صرف بلیٹس پیپرز اور باکسز لیکر آنے والوں کو جانے دیا جارہا ہے۔