عمران خان کے ساتھ کھڑے ہیں لیکن پرویز الٰہی کو ووٹ نہیں دیں گے، ایم ڈبلیو ایم

علی شیر

02nd Jan, 2023. 12:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کے ساتھ کھڑے ہیں لیکن پرویز الٰہی کو ووٹ نہیں دیں گے، ایم ڈبلیو ایم

ایم ڈبلیو ایم نے واضح بیان جاری کرتے ہوئے بتایا ہے کہ عمران خان کے ساتھ کھڑے ہیں لیکن چوہدری پرویز الٰہی کو ووٹ نہیں دیں گے۔

تفصیلات کے مطابق مجلس وحدت المسلمین کے وزیراعلیٰ پنجاب کے ساتھ اختلافات کی پیش نظر پی ٹی آئی کی مخصوص نشست پر ایم پی اے نے چوہدری پرویز الٰہی کو اعتماد کا ووٹ نہ دینے کا فیصلہ کیا ہے۔

ایم پی اے سیدہ زہرہ نقوی نے چوہدری پرویز الٰہی کو اعتماد کا ووٹ نہ دینے کا فیصلہ کرتے ہوئے کہا ہے کہ عمران خان کے ساتھ کھڑے ہیں لیکن چوہدری پرویز الٰہی کو ووٹ نہیں دیں گے۔

یہ بھی پڑھیں: وزیر اعلیٰ پرویز الٰہی با آسانی اعتماد کا ووٹ حاصل کریں گے، حماد اظہر

اس حوالے سے ترجمان ایم ڈبلیو ایم کا کہنا ہے کہ وزیر اعلیٰ پنجاب چوہدری پرویز اعلیٰ کے اعتماد کے ووٹ کا معاملہ پر ایم ڈبلیو ایم پولیٹیکل کونسل نے مشاورت کے بعد اہم فیصلہ کیا ہے۔

ترجمان نے بتایا کہ ایم ڈبلیو ایم کی رکن پنجاب اسمبلی سیدہ زہرہ نقوی وزیر اعلیٰ پنجاب پرویز الہیٰ کو اعتماد کا ووٹ نہیں دیں گی تاہم وزیر اعلیٰ پنجاب کو اعتماد کا ووٹ نہ دینے کا فیصلہ پارٹی قیادت کی ہدایت کی روشنی میں کیا گیا ہے۔

اسکے علاوہ ایم ڈبلیو ایم نے وزیراعلیٰ پنجاب کے بعض اقدامات پر شدید تحفظات کا اظہار کیا ہے۔