جماعت اسلامی نے اقتدار نہ ہونے کے باوجود بھی کام کیا ہے، حافظ نعیم

جعفر احمد یار

23rd Jan, 2023. 02:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی نے اقتدار نہ ہونے کے باوجود بھی کام کیا ہے، حافظ نعیم

امیر جماعت اسلامی کراچی حافظ انعیم الرحمان نے کہا ہے کہ جماعت اسلامی نے اقتدار نہ ہونے کے باوجود بھی کراچی میں کام کیا ہے۔

میڈیا سے گفتگو کرتے ہوئے حافظ نعیم الرحمان کا کہنا تھا کہ بلدیاتی انتخابات میں جماعت اسلامی نے زیادہ سیٹیں جیتی ہیں، اس شہر کی عوام نے بھاری مینڈیٹ دیا ہے ووٹ بھی ڈبل ہیں۔

یہ بھی پڑھیں: میئرجماعت اسلامی ہی بنائےگی، کوئی عزت سے قبول کرے یا نہ کرے، حافظ نعیم

انہوں نے کہا کہ اس وقت سیاست سے زیادہ اہل کراچی کا حال سب کے سامنے ہے لیکن سارے اختلافات کے باوجود کراچی کی تعمیر کرنی ہے۔

انہوں نے کہا کہ جماعت اسلامی کراچی ترقی کی ضامن رہی ہے اب بھی بغیر اختیار کے خدمت کررہے ہیں۔

حافظ نعیم الرحمان کا کہنا تھا کہ میئر کے معاملے پر بہت سے مراحل باقی ہیں، پہلا مرحلہ مینڈیٹ کا تحفظ ہے جس کے لئے الیکشن کمیشن میں کیسز بھیجے ہیں اور دوسرا مرحلہ یہ ہے اتفاق رائے پیدا کریں۔

ان کا کہنا تھا کہ وزیراعلیٰ نے کہا ساتھ چلنا چاہتے ہیں جس پر ہم نے وزیراعلیٰ سندھ کو کہا کہ ہمارا مینڈیٹ تسلیم کریں، اس موقع پر وزیراعلیٰ کا کہنا تھا کہ نتائج تبدیل نہ کیے جائیں۔

یہ بھی پڑھیں: ہم چاہتے ہیں کہ پیپلز پارٹی اور جماعت اسلامی مل کر کام کریں، سعید غنی

انہوں نے بتایا کہ سراج الحق کے خصوصی اجلاس کےلئے آئے ہیں، کراچی میں بلدیاتی الیکشن کا جائزہ لیں گے اپنی رپورٹ بھی دیں گے۔