تحریک انصاف اور ق لیگ پنجاب اسمبلی تحلیل کرنے کے لیے تیار

ویب ڈیسک

12th Jan, 2023. 12:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف اور ق لیگ پنجاب اسمبلی تحلیل کرنے کے لیے تیار

پاکستان تحریک انصاف (پی ٹی آئی) اور ق لیگ پنجاب اسمبلی تحلیل کرنے کے لیے تیار ہے۔

اس حوالے سے تحریک انصاف کے چیئرمین عمران خان اور وزیراعلیٰ پنجاب چوہدری پرویز الہیٰ میں مشاورت جاری ہے، تحریک انصاف اور مسلم لیگ ق ایک پیج پر ہیں۔

خیال رہے کہ اسملیاں تحلیل کرنے کے لیے عدالتی فیصلے کے منتظر ہیں، عدالتی فیصلہ ملتے ہی پنجاب اسمبلی تحلیل کر دی جائے گی۔

واضح رہے کہ چوہدری پرویز الہیٰ اعتماد کا ووٹ لینے میں کامیاب ہوگئے ہیں، 186 ارکان اسمبلی نے وزیراعلیٰ پنجاب پر اعتماد کا اظہار کیا۔

گزشتہ روز پنجاب اسمبلی کا نیا اجلاس اسپیکر سبطین خان کی زیر صدارت دوبارہ شروع ہوا۔ اس دوران وزیراعلیٰ پنجاب چوہدری پرویز الہیٰ بھی ایوان میں موجود رہے۔

یہ بھی پڑھیں: وزیراعلیٰ پنجاب پرویز الہیٰ اعتماد کا ووٹ لینے میں کامیاب

پی ٹی آئی کے رکن صوبائی اسمبلی اور سینئر صوبائی وزیر میاں اسلم اقبال اور راجہ بشارت نے وزیراعلیٰ پنجاب پر اعتماد کے ووٹ پر رائے شماری کے لیے قرارداد پیش کی جب کہ ووٹنگ پر سیکرٹری پنجاب اسمبلی اراکین کو بریفنگ دی۔

بعد ازاں چوہدری پرویز الہیٰ اعتماد کا ووٹ حاصل کرنے میں کامیاب ہوئے۔ وزیراعلیٰ پرویزالٰہی پر186 ارکان اسمبلی نے اعتماد کا اظہار کیا ۔ اسپیکر پنجاب اسمبلی نے اعلان کیا کہ پرویز الہیٰ نے 186 ووٹ حاصل کیے ہیں۔