پاکستان کوسٹ گارڈز کی جانب سے کی جانے والی کارروائی کے دوران 1500 کلو گرام چرس برآمد کیا گیا ہے۔

اس حوالے سے  ترجمان پاکستان کوسٹ گارڈز کا کہنا ہے کہ پاکستان کوسٹ گارڈزکو خفیہ ذرائع سے اطلاع ملی کہ گوادر کے علاقے پسو اور گنز (بلوچستان) سے بھاری مقدار میں غیر قانو نی اشیاء اسمگلنگ ہونے کا خدشہ ہے، جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں چیکنگ مزیدسخت کرنے کے احکامات جاری کیے ہیں۔

یہ بھی پڑھیں: پاکستان کوسٹ گارڈز کی کارروائی، کروڑوں روپے مالیت کی چرس برآمد

ترجمان کا کہنا تھا کہ جنرل ایریا پُسو کے قریب ایک مشکوک گاڑی کو رکنے کا اشارہ کرنے پر ملزمان گاڑی کی رفتار تیز کرتے ہوئے فرار ہونے کی کوشش کی۔

ترجمان کے مطابق گاڑی کا پیچھا کرنے پر ملزمان گاڑی چھوڑکر فرار ہو گئے، گاڑی کی تلاشی لینے پر 1500 کلوگرام اعلی کوالٹی کی چرس برآمد کر لی گئی۔

ترجمان نے بتایا کہ پکڑی جانے والی منشیات کیعالمی مارکیٹ مالیت تقریبا95.55 ملین ڈالرکے لگ بھگ ہے۔

واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے۔ پاکستان کوسٹ گارڈز ملکی معیشت کو مستحکم کرنے میں اپنا کردار ادا کر تی رہے گی۔

یہ بھی پڑھیں: پاکستان کوسٹ گارڈز کی کارروائی، 5 کروڑ مالیت کی چرس برآمد