مجلس وحدت مسلمین  (ایم ڈبلیو ایم) کی جانب سے پی ٹی آئی کے حقیقی آزادی کیلئے جدوجہد کے عزم کا اعادہ کیا گیا ہے۔

سماجی رابطے کی ویب سائٹ پر اپنے ایک پیغام میں چیئرمین پی ٹی آئی عمران خان نے بتایا ہے کہ گزشتہ روز علامہ راجہ ناصر اور ایم ڈبلیو ایم کے وفد سے ہونے والی ملاقات نتیجہ خیز رہی۔

Had an excellent meeting with Allama Raja Nasir & MWM delegation yesterday. All misunderstandings were cleared & they reiterated their commitment to our struggle for Haqeeqi Azadi. I assured them we would resolve any problems they may face in KP & Punjab.

— Imran Khan (@ImranKhanPTI) January 7, 2023

انہوں نے بتایا کہ  دوران ملاقات تمام غلط فہمیاں دور ہوئیں اور حقیقی آزادی کے لیے ہماری جدوجہد کے عزم کا اعادہ کیا۔

عمران خان کا کہنا تھا کہ انہوں ایم ڈبلیو ایم کے تمام تر تحفظات دور کرنے کی یقین دہانی کرائی ہے اور انہیں یقین دلایا کہ ہم انہیں کے پی اور پنجاب میں درپیش مسائل کو حل کریں گے۔

یہ بھہ پڑھیں: لوٹوں کی ایکسپائری ڈیٹ ختم ہوچکی ہے، عمران خان

واضح رہے کہ ایم ڈبلیو ایم نے وزیر اعلیٰ پنجاب چوہدری پرویز الٰہی کو اعتماد کا ووٹ نہ دینے کا اعلان کیا تھا۔

ایک بیان میں پارٹی ترجمان نے کہا کہ یہ فیصلہ ایم ڈبلیو ایم کی سینئر قیادت سے مشاورت کے بعد کیا گیا۔ انہوں نے کہا کہ پارٹی کو چیف منسٹر کے کچھ اقدامات پر تحفظات ہیں۔

ایم پی اے سیدہ زہرہ نقوی الٰہی کو اعتماد کا ووٹ نہیں دیں گی، انہوں نے کہا کہ پی ٹی آئی قیادت کو اپنے فیصلے سے آگاہ کر دیا تھا۔

وزیر اعلیٰ پنجاب چوہدری پرویز الٰہی کی جانب سے آئندہ ہفتے صوبائی اسمبلی سے اعتماد کا ووٹ لینے کا امکان ہے۔

یہ بھی پڑحیں: ملکی ترقی کا بہت سا انحصار انفارمیشن ٹیکنالوجی کے فروغ میں ہے، عمران خان