سابق وفاقی وزیر داخلہ شیخ رشید احمد کا کہنا ہے کہ عمران خان کی مزید فتوحات 15 جنوری کو نظر آجائیں گی۔

عوامی مسلم لیگ کے سربراہ شیخ رشید نے “دنیا بول ہے” سے گفتگو کرتے ہوئے کہا کہ وزیر داخلہ لاہور فتح کرنے گئے تھے لیکن کچھ اور ہو گیا، لاہور وزیر داخلہ کے لیے پانی پت ثابت ہوا، کل رات کو ان کی چیخیں عرش تک گئی تھیں۔

انہوں نے کہا کہ عمران خان اپنے لوگوں کو ٹیسٹ کررہا تھا۔ دیر سویر ہوسکتی ہے اسمبلیاں ہر قیمت پر تحلیل ہونگی۔

15 جنوری سے 15 فروری تک عمران خان کی فتوحات کا مہینہ ہے

شیخ رشید نے کہا کہ عمران خان کی مزید فتوحات 15جنوری کو نظر آجائیں گی، 15 جنوری سے 15فروری تک عمران خان کی فتوحات کا مہینہ ہے، مارچ اپریل کا عام انتخابات کا شیڈول آجائے گا۔

انکا کہنا ہے کہ عدالت نے اسٹے دے دیا تو مخالفین کو دائمی مرض لاحق ہوجائے گا، اراکین ووٹ لیکر مزے کرتے ہیں حلقے میں آتے ہی نہیں ہیں۔

سندھ میں اکیلی پی ٹی آئی ووٹ حاصل کرلے گی

سابق وفاقی وزیر نے کہا کہ عام آدمی چاہتا ہے ہر سال الیکشن ہوں، سندھ میں اکیلی پی ٹی آئی ووٹ حاصل کرلے گی، 15 جنوری کو الیکشن ہوگئے تو پی ٹی آئی سیٹیں نکال لے گی۔

انہوں نے مزید کہا کہ حکومت نے جنیوا سمیت دنیا بھر میں جمعہ بازار لگایا، جنیوا میں جو امداد کا اعلان کیا گیا وہ کمپنی کی مشہوری کے لیے ہے۔

شیخ رشید کا ٹوئٹ

دوسری جانب شیخ رشید نے اپنے ٹوئٹر پر کہا کہ وزیر داخلہ نے تختہ لاہور لے کرآنا تھا وہ ن لیگ کا تابوت لے کر واپس آئے، اب ان کو سمجھ آجانی چاہیے کہ عمران خان کو سیاست آتی ہے۔

وزیرداخلہ نےتختہ لاہورلےکرآناتھاوہ ن لیگ کاتابوت لےکرواپس آئےآب ان کو سمجھ آجانی چاہیےکہ عمران خان کوسیاست آتی ہےاعتمادکی منصوبہ بندی3دن پہلےکرلی گئی تھی ن لیگ کی سیاست کواُن کےشہرلاہورمیں دفن کردیاگیا ہےعمران خان اسمبلیاں تحلیل کرےگااورعنقریب انتخابی مہم زخمی حالت میں شروع کرےگا

Advertisement

— Sheikh Rashid Ahmed (@ShkhRasheed) January 12, 2023

انہوں نے کہا کہ اعتماد کی منصوبہ بندی 3دن پہلے کر لی گئی تھی، ن لیگ کی سیاست کو اُن کے شہر لاہور میں دفن کردیا گیا ہے۔

سابق وفاقی وزیر نے مزید کہا کہ عمران خان اسمبلیاں تحلیل کرے گا، عنقریب انتخابی مہم زخمی حالت میں شروع کرے گا۔