ترجمان خیبرپختونخوا بیرسٹر سیف نے کہا ہے کہ عمران خان کی مقبولیت کو سیاسی انجینئرنگ سے کم نہیں کیا جاسکتا ہے۔

ترجمان خیبرپختونخوا بیرسٹر سیف نے بول نیوز کو خصوصی انٹرویو دیتے ہوئے کہا ہے کہ اس وقت ملک پر سرٹیفائڈ چور قابض ہیں جو یہ ملک نہیں کرمنل مافیا آرگنائزیشن چلا رہے ہیں۔

انہوں نے کہا ہے کہ ساس وقت ملک دیولیہ ہونے کے قریب ہے لیکن  یہ خود کھرب پتی ہوگئے ہیں اور اگر ملک کو حقیقی معنوں میں بچانا ہے تو ایک بار پھر انتخابات کی طرف جانا ہوگا۔

انہوں نے کہا کہ ایسے حالات میں عوام کو حق ملنا چاہیئے کہ وہ اپنی قیادت کو خود منتخب کریں تاکہ حکومت کو عوام کی حمایت حاصل ہوگی۔

یہ بھی پڑھیں: مرکزی حکومت کی وجہ سے ہمیں معاشی مسائل کا سامنا ہے، بیرسٹر سیف

ترجمان کے پی حکومت کا کہنا تھا کہ اگر الیکشن نہیں ہوئے تو یہ حکومت اسی طرح کبھی جینیوا میں کشکول لے کر پھریں گے کبھی آپس میں لڑیں گے جبکہ اس طرح کے حالات میں نا کوئی سنجیدہ کام ہوسکتا ہے اور نا ہی کوئی سنجیدہ پالیسی بن سکتی ہے۔

سیکیورٹی صورتحال

دہشتگردی کے واقعات کے متعلق ان کا کہنا تھا کہ قبائلی علاقوں میں دہشت گرد کارروائیاں ہورہی ہیں اور سیکیورٹی فورسز بھی اقدامات کر رہی ہیں ۔

انہوں نے کہا کہ اس وقت سیکیورٹی صورتحال اتنی خراب نہیں معاشی صورتحال پر توجہ دینے کی ضرورت ہے۔

انہوں نے مزید کہا کہ وفاقی حکومت نے وعدہ کیا تھا کہ قبائلی علاقوں کی ترقی اور خوشحالی کے لئے فنڈز مہیا کئے جائینگے تاہم وہ اب تک ادا نہیں کئے گئے ہیں جو کہ 200 ارب سے زائد بنتے ہیں۔

ترجمان کا کہنا تھا کہ وفاقی حکومت صوبے کو اس کا حق ادا کریگی تو یقیناً کے پی میں بہتر نظر آئیگی ۔

عمران خان کی مقبولیت:

بیرسٹر سیف نے کہا کہ پولیٹیکل انجینئرنگ اس ملک میں سیاست کا ایک اہم جزو ہے اور ہر دور میں اس طرح کی انجینئرنگ ہوتی رہتی ہیں ۔

انہوں نے کہا کہ عمران خان کو کبھی مائنس نہیں کیا جاسکتا ہے جس کی مثال 13 جماعتوں کی شکست ہے ۔

ان کا کہنا تھا کہ کراچی کی سیاست میں ایک طرح کا انتشار موجود ہوتا ہے، کراچی میں سیاسی انجینئرنگ کی کوشش کی جارہی ہے اور اس طرح کے چھوٹے اتحاد سے عمران خان کی مقبولیت کو  کم نہیں کیا جاسکتا ہے۔

یہ بھہ پڑھیں: آئین اور قانون کے مطابق پنجاب اسمبلی کو تحلیل ہونا چاہئیے، بیرسٹر سیف