نگراں وزیر اعلیٰ پنجاب محسن نقوی کی وزیر اعظم شہباز شریف سے ملاقات کی اندرونی کہانی سامنے آگئی۔
اس حوالے سے ذرائع نے بتایا کہ ملاقات میں وزیر اعظم نے محسن نقوی کو یقین دہانی کروائی کہ وفاقی حکومت پوری طرح آپ کے ساتھ ہے بلا خوف اپنی ذمہ داریاں انجام دیں۔
وزیر اعظم نے کہا کہ عمران خان کے الزامات اور تنقید کی پرواہ نہ کریں، نظر انداز کریں۔ صاف شفاف انتخابات میں وفاقی حکومت الیکشن کمیشن اور پنجاب حکومت کی بھرپور مدد کرے گی۔
ذرائع کا کہنا تھا کہ وزیراعظم نے ملاقات میں یقین دہانی کروائی کہ صوبے میں امن وامان کی بہتری کے لیے مکمل تعاون کریں گے۔ کسی بھی غلط کام پر ایکشن لینا آپ کا اختیار ہے۔
یہ بھی پڑھیں: وزیر اعظم شہباز شریف سے محسن نقوی کی ملاقات
ذرائع کے مطابق محسن نقوی نے ملاقات میں کہا کہ جو اعتماد مجھ پر کیا گیا ہے اس پر پورا اترنے کی کوشش کروں گا، اپنی آئینی ذمہ داری سے باہر نہیں نکلوں گا۔
اس موقع پر وزیر اعظم اور نگراں وزیر اعلیٰ پنجاب نے بہترین ورکنگ ریلیشن شپ کے تحت آگے بڑھنے پر اتفاق کیا۔
وزیر اعظم سے محسن نقوی کی ملاقات
وزیر اعظم محمد شہباز شریف سے گزشتہ روز اسلام آباد میں نگراں وزیر اعلیٰ پنجاب محسن نقوی کی ملاقات ہوئی تھی۔
ملاقات میں وزیر اعظم شہباز شریف نے محسن نقوی کو نگراں وزیر اعلیٰ پنجاب کا عہدہ سنبھالنے پر مبارکباد دی تھی اور نیک خواہشات کا اظہار کیا تھا۔
یہ بھی پڑھیں؛ نگراں وزیر اعلیٰ پنجاب محسن نقوی نے عہدے کا حلف اٹھالیا
وزیر اعظم شہباز شریف نے مزید کہا تھا کہ امید ہے آپ اپنی ذمہ داری آئین کے مطابق احسن طریقے سے سر انجام دیں گے اور الیکشن کے عمل کو غیر جانبدارانہ اور شفاف بنانے میں اپنا بھرپور کردار ادا کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News